ponteareas

Ponteareas

A mocidade de Ponteareas implicada na vida municipal

"Concelleiros e concelleiras por un día e cidadáns e cidadás para o presente e o futuro", así definiron as concelleiras de Ensino e Mocidade, Cristina Fernández e Verónica Carrera, respectivamente, a súa decisión de que o alumnado dos centros educativos pontareáns de Primaria e Secundaria, foran parte activa da política local.

O PP asegura cancelar o acendido do alumeado do Nadal "castiga ao comercio"

O PP de Ponteareas, asegurou que a cancelación "por segunda vez" da inauguración do Alumeado do Nadal, prexudica ao comercio local. Os populares aseguran que comerciantes chamáronos "moi enfadados" porque, din, "xecutáronse as obras nas rúas en plena época do Nadal e aínda por encima non se aposta por decorar as zonas para convidar a que a xente consuma. A iluminación cancelouse por segunda vez, así nolo informaron varios establecementos do centro”.

Un so pediatra en Ponteareas para atender a 4.000 nenos e nenas

A falta pediatra en Mondariz, "en tanto non se resolva o proceso do concurso de traslado", que dada a rapidez na que anda a Administración, ninguén sabe o que pode durar, ten xa os seus «efectos secundarios» dos que xa advertían nais, pais e administracións locais: o colapso da consulta de pediatría de Ponteareas que, por se fora pouco, contou cun só facultativo para atender na semana do 3 ao 7 de decembro a unha poboación de  4.000 nenos e nenas.

O PSOE cualifica de "ridícula" a denuncia sobre o uso da carpa

O Partido Socialista de Ponteareas cualificou de "ridícula" a denuncia nos medios de comunicación do Partido Popular por empregar a carpa instalada na Praza Maior da vila para o acto de presentación de Chus Garrote como candidata á alcaldía de Ponteareas. A concelleira Vanesa Fernández sinalou que utilizouse "do mesmo xeito que o PP emprega o Auditorio Municipal ou calquera outro espazo de titularidade do Concello para os seus actos".

Belén Villar reúnese cun grupo de maiores usuarios do Centro Social de Ponteareas

O PP acudiu esta semana "á chamada de varios veciños", din os populares, que querían trasladarlle á candidata "varias queixas en referencia ao Centro Social situado en centro do pobo". Villar quixo coñecer de primeira man a problemática existente en dito centro. Segundo a candidata popular preto de 60 persoas manifestáronlle o seu "gran malestar debido a que se lles privou de facer uso destas instalacións municipais".

ACiP presenta, o sábado 15, o seu candidato á alcaldía de Ponteareas

"Logo da última xuntanza mantida, o comité executivo de Alternativa Ciudadana de Ponteareas, ACiP, vén de aceptar a proposta de candidato á alcaldía da vila designada pola Xunta Directiva desta formación". Unha candidatura, sinala no seu comunicado Alternativa Ciudadana, "que trata de reflectir o sentir de afiliados e dos simpatizantes máis achegados a este grupo político, formada por un equipo xove pero con ampla experiencia na vida política municipal".

Suscribirse a este canal RSS