Tag: pintura

Até o 29 deste mes de novembro pódese visitar no anexo da Sala de Exposicións Municipal no edificio Francisco Sánchez (Área Panorámica) a exposición dos traballos gañadores e participantes no sexto concurso de pintura rápida Pinta Tui.

O Rosal presume das súas pinturas coa apertura dunha exposición adicada a cinco artistas locais. Ata o vindeiro martes as persoas interesadas poderán visitar o baixo do Concello para inspirarse e descubrir as novas creacións artísticas dos seus veciños.

Os premios do 9º Certame de pintura ao aire libre Antonio Fernández, celebrado o domingo en Goián (Tomiño) e Vila Nova de Cerveira (Portugal), estiveron moi disputados.

A oficina de turismo de Oia acolle durante o mes de agosto a exposición de pintura e escultura 'Paisajes en la mente', o último traballo do artista Armando Castro. A mostra poderá visitarse na sala de exposicións da oficina de turismo (primeiro andar do edificio situado na Praza Centinela, no barrio histórico do Arrabal) a partir do próximo domingo 1 de agosto e ata final de mes.

A novena edición Certame De Pintura Ao Aire Libre Antonio Fernández Eurocidade Cerveira-Tomiño, reunirá unha vez máis a varias decenas de artistas plásticos de Galicia e Portugal.

O Auditorio Municipal acollu na tarde do xoves 15 de xullo, a inauguración da XIII Exposición de Pintura de Nigrán, formada por cadros de 21 alumnos e alumnas da Escola Municipal de Pintura de Nigrán, dirixida pola profesora Ana Barbará.

Un equipo técnico enviado polo Museo do Prado retirou e trasladou cara a Madrid, o cadro 'A prisión de Francisco I', que estaba en depósito nas dependencias do Concello do Porriño desde o século pasado. O óleo, obra do pintor italiano Giovanni Migliara foi cedido polo Museo do Prado ao Concello con data do 11 de decembro de 1929. A pintura estivo colgada nunha das paredes da antigas oficinas da alcaldía durante 92 anos.

Dende hoxe, as dependencias de Servizos contan cun fermoso mural que, co nome de 'Mulleres, tecendo esperanza e futuro', quere ser un recordatorio permanente ao traballo e historia das mulleres de Redondela.

A exposición 'De casa para um mundo...' integrada na XXI Bienal de Arte de Cerveira, segue o seu percorrido por distintas vilas e cidades tendo programadas xa as súas próximas paradas na Galería de Arte CTJV de Monção e no Centro Cultural Portugês Camões, Instituto da Cooperação e da Lingua, en Vigo. Trátase dun proxecto concibido por Manuel de Novaes Cabral e Sobral Centeno, que reuniu, en tempos de pandemia, nomes ben coñecidos das artes visuais e da literatura contemporánea e que reúne 30 obras de 15 escritores e escritoras, 15 artistas plásticos e 15 compositores e compositoras.

A Concellería de Cultura anuncia a vindeira exposición de pintor redondelán Ángel Barros. Baixo o título de “Arte coma pensamento crítico”, o artista presentará unha pintura de compromiso social a partir da escolla e reinterpretación de obras referentes na historia universal: Goya, Rafael, Delacroix, Zurbarán ou Gericault.

Cinco mulleres fixéronse cos premios do oitavo Certame de pintura ao aire libre Antonio Fernández, celebrado onte en Goián (Tomiño) e Vila Nova de Cerveira e organizado pola Eurocidade Cerveira-Tomiño. O primeiro premio foi para Paz Larrumbide Moreno, procedente do País Vasco. Veciña de Vitoria, Larrumbide (gañadora tamén da sexta edición do certame) pasa as súas vacacións en Baiona, facéndoas coincidir co evento artístico. Exviceconselleira de Vivenda no Goberno Vasco, Larrumbide dedícase á pintura de forma amateur dende hai tan só seis anos.

A pasada semana comezou o novo pintado do muro da praia de Fedorento dentro do proxecto “Recunchos con Arte”, unha iniciativa na que se teñen xa realizado outras actuacións no Conservatorio Municipal ou no pintado do Espigón do Porto con “A Guarda escrita nas Estrelas”. Esta proposta é unha das intervencións artísticas que se van realizar este ano e que debido a situación de emerxencia houbo que ir atrasando.

Ata o vindeiro 4 de xaneiro estará aberta, na Casa dos Alonso, a mostra de pintura de «anetadocamilo», alcume utilizado por Beatriz Bascoy Cao para "expresar con pintura o que con palabras non pode," unha exposición nas que a autora amosa máis dunha ducia de obras.

'2020. Abrindo portas…' é o título do calendario de 2020 que vén de editar o Concello de Tui. Está ilustrado con pinturas de portas da Eurocidade Tui-Valença realizadas pola artista tudense Rosa María Vila. Así na portada figura o Pórtico da Catedral de Tui e a Porta da Coroada de Valença.

As máis de 50 obras do Certame de pintura ao aire libre Antonio Fernández 2019, poden visitarse na Fundaçâo Bienal de Arte de Cerveira, até a semana próxima. A mostra, prevista inicialmente so para esta semana, inclúe as tres obras premiadas, estando a disposición das persoas interesadas o contacto dos autores para posibles compras.

O pasado domingo celebrouse a sétima edición do Certame de pintura ao aire libre Antonio Fernández con máis de 50 participantes procedentes de diferentes lugares. As obras premiadas foron unha vista de Cerveira dende a praia fluvial de Goián da autoría de Rafael Carrasco de Toledo que se fixo co primeiro lugar. Os segundos e terceiro premios foron para Leticia Gaspar de Bilbao e para Antonio Lorenzo de Mondariz.

O Certame de pintura ao aire libre Antonio Fernández chega a súa sétima edición con trinta e dúas inscripcións previas e co prazo aberto até a propia xornada como ven sendo habitual.