7.6 C
Pontevedra
Martes, 27 de Febreiro de 2024
Máis
    HomeÉ NoticiaO proxecto 'De casa para um mundo...' da Fundación Bienal de Arte...

    O proxecto ‘De casa para um mundo…’ da Fundación Bienal de Arte de Cerveira, segue o seu percorrido por Monção e Vigo

    A exposición ‘De casa para um mundo…’ integrada na XXI Bienal de Arte de Cerveira, segue o seu percorrido por distintas vilas e cidades tendo programadas xa as súas próximas paradas na Galería de Arte CTJV de Monção e no Centro Cultural Portugês Camões, Instituto da Cooperação e da Lingua, en Vigo. Trátase dun proxecto concibido por Manuel de Novaes Cabral e Sobral Centeno, que reuniu, en tempos de pandemia, nomes ben coñecidos das artes visuais e da literatura contemporánea e que reúne 30 obras de 15 escritores e escritoras, 15 artistas plásticos e 15 compositores e compositoras.

    O resultado da ídea foi a creación, a distancia, de obras colectivas que foron expostas ao público na XXI Bienal Internacional de Arte de Cerveira, no Solar dos Castros. Máis aló da exposición, a iniciativa completábase cun programa que incluíu visitas guiadas, mesas redondas e opinións dos protagonistas en streaming e gravados.

    O éxito do proxecto foi tal que agora segue viaxe para Monção e Vigo co que, segundo a comisaria da mostra, María de Fátima Lambert “cúmprese o propósito de itinerancia, ese movemento e liberdade que vemos condicionados polas circunstancias aínda vividas. As viaxes das obras abrense a novos horitontes sendo Monção o primeiro destino deste Grand Tour tan especial”.

    En total son presentadas 30 obras de 15 escritores e 15 artistas plásticos acompañadas de pequenas composicións de 15 músicos, establecendo un diálogo entre creadores que non se puideron encontrar persoalmente pero que se comunican a través da arte.

    A iniciativa conta coa coaboración dos designers Beatriz Horta Correia, Francisco Providência, Joana Machado, Miguel Gaspar e Nuno Coutinho.

    De recordar que a bienal de arte de Cerveira é a mais antiga do país e da Península Ibérica e mantén as portas abertas ata o 31 de decembro, estando igualmente disponible a visita virtual ás diferentes exposicións.

    Artistas participantes

    • Capicua, Albuquerque Mendes e Ana Seara
    • Afonso Reis Cabral, Ana Fonseca e Pedro Pinto Figueiredo
    • Daniel Maia-Pinto Rodrigues, Ana Pérez-Quiroga e Sara Carvalho
    • Bernardo Pinto de Almeida, António Olaio e Nuno Peixoto de Pinho
    • Pedro Eiras, Avelino Sá e Jaime Reis
    • João Gesta, Cristina Ataíde e Ângela da Ponte
    • Paulo José Miranda, Francisco Laranjo e Inês Badalo
    • Francisco Duarte Mangas, Graça Pereira Coutinho e António Pinho Vargas
    • Maria do Rosário Pedreira, Isaque Pinheiro e Carlos Marecos
    • Rosa Alice Branco, Susana Piteira e Francisco Monteiro
    • Nuno Higino, Jorge Abade e Carlos Caires
    • Gonçalo M. Tavares, Pedro Calapez e Sérgio Azevedo
    • Hugo Mezena, Pedro Tudela e Isabel Pires
    • Manuel Novaes Cabral, Sobral Centeno e Luís Soldado
    • Filipa Leal, Zulmiro de Carvalho e António Victorino D’Almeida

    LIBROS

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.

    Fran Fernández Davila, «Groenlandia»

    A Fran Fernández Davila gústalle sorprender cos seus traballos literarios, descolocar ao lector para levalo por paisaxes pouco transitadas física e emocionalmente, escapar da rutina diaria e, cunha forte carga de imaxinación, argallar historias nas que a intriga e o humor acaban por se converter en personaxes convidadas da trama.