O Concello da Cañiza inaugura unha nova exposición de pintura na vila. Nesta ocasión, vai da man da artista e mestra Laura Estévez e máis dos seus alumnos do CEIP de Valeixe.
Unha pequena pero fermosa mostra formada por 15 obras pintadas polos nenos do Centro de Ensinanza Infantil e de Primaria de Touzosas – Valeixe, que permanecerá aberta ata o 29 de agosto no 2º andar da Casa Consistorial, en horario de 8:00 a 15:00 horas.
O alcalde, Luis Piña, visitou a exposición acompañado de Laura Estévez e dos nenos e pais e, por suposto, felicitou a toda esta grande “familia” polo traballo desenvolvido durante todo o curso, animándoos a continuar creando e disfrutando coa pintura.
Novamente agradeceu a disposición dos integrantes deste Aula de Pintura, de expor as súas obras nas instalacións municipais.
