A Deputación de Pontevedra, a través do programa SmartPeme de asesoramento tecnolóxico para pemes e autónomos, oferta tres novas accións formativas enmarcadas na súa carteira de obradoiros que se celebrarán de xeito telemático e presencial. As actividades centraranse en ciberseguridade, motores de reserva para empresas turísticas e en intelixencia artificial.
A primeira das xornadas comeza o luns 23 de 10:30 a 11:30 horas co taller telemático “Ciberseguridade, como facer un contrasinal seguro” no que se afondará na importancia de ter un contrasinal adecuado para protexer a información. Manuel Freire, experto universitario en robótica, programación e impresión 3D dirixirá este curso.
O mércores 25 dará comezo ás 10:30 horas o taller online “Motores de reservas para empresas turísticas”. No marco desta acción formativa ensinarase a instalar un sistema de reservas para que os clientes poidan consultar a dispoñibilidade da oferta existente e os establecementos poidan aumentar a súa visibilidade. Sonia Torres é a técnica de empresas e actividades turísticas que se encargará de impartir este obradoiro.
Finalmente, o xoves 26 terá lugar a partir das 12:00 horas unha acción formativa sobre “ChatGPT e Stable Diffusion, aprende o seu funcionamento V”, impartido polo polo experto en robótica, programación e impresión 3D Manuel Freire.
