11.6 C
Pontevedra
Martes, 19 de Marzo de 2024
Máis
    HomeÉ NoticiaContinúan subindo o número de visitas ao Museo de Pontevedra

    Continúan subindo o número de visitas ao Museo de Pontevedra

    O Museo de Pontevedra segue a asinar boas cifras constatando un crecemento sostido no tempo e mellorando con moito os datos prepandemia. No pasado mes de maio o número de visitantes subiu un 50 % con respecto ao mesmo mes do 2022, pasando de 10.260 visitas a recibir 15.361 neste exercicio. Os datos acumulados ascenden xa ás 48.710 persoas, dato máximo dende 2017, e que fai prever superar de novo os límites previos tanto no verán como a finais de ano.

    Dende o departamento que realiza as comparativas de visitantes no Museo subliñan que as conseguidas en maio son “unhas cifras moi boas comparadas con anos anteriores”, xa que ademais do positivo número de visitas individuais (que aumentou un 43 % na procedencia dende o estranxeiro)  tamén melloran o resto dos indicadores “favorablemente conformando un mes estatisticamente moi bo”.

    Os grupos escolares este mes de maio, de feito, aumentaron un 16 % con respecto ao mes anterior. Medraron os grupos escolares de Educación Primaria con respecto a meses anteriores e aumentou a procedencia de centro escolares da propia cidade. “Pódese dicir que este ano volvemos á normalidade dentro da evolución anual dos grupos escolares e que mesmo se poderían superar cifras record de anos prepandemia”, destacan dende o gabinete didáctico.

    Estes datos de maio refrendan os xa acadados durante a Semana Santa, na que se sumaron 5.413 visitas aos diferentes edificios e actividades da institución, o que supón o mellor dato nestas vacacións durante a última década e a consolidación da recuperación da afluencia anterior á pandemia.

    Os datos dese periodo analizados polo departamento de Educación e Públicos da institución reflexan tamén unha absoluta volta á normalidade. Dos 19.82 visitas de 2013, pasouse a 3.480 en 2014; 1.509 en 2015; 756 persoas en 2016; 3.934 persoas en 2017; 3.873 persoas en 2018; 5.227 persoas en 2019 (o segundo mellor dato); ningunha en 2020 polo peche COVID; 1.338 en 2021 e 4.190 en 2022 para superar outra vez amplamente a barreira dos cinco millares neste exercicio.

    Os diferentes edificios da institución tamén acadaron números espectaculares no mes de abril 2023, cando o dato de visitantes estivo en 5.000 persoas por enriba dos máximos dos últimos anos nese mesmo mes, crecemento debido fundamentalmente ao alto número de visitas individuais ás Ruínas de San Domingos.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.