ACCU Vigo pon en marcha “Mirando más allá de la E.I.I. e la ostomía”. Un proxecto de 12 xornadas en liña onde profesionais de diversos campos falarán de temáticas non só médicas, senón doutros moitos puntos de interese para pacientes, familiares, coidadores ou profesionais; como poden ser a nutrición, o aspecto psicolóxico, as incapacidades laborais e/ou o certificado de discapacidade, dietas, orientación laboral, e moitos outros aspectos.
Ademais, contarán coa participación do equipo médico da unidade de EII do Hospital Álvaro Cunqueiro, que falarán de temas como vacinas da Covid, tratamentos, coidado de ostomías e consellos.
Estas xornadas gratuítas darán comezo este sábado 24 de abril, de 10:30 a 12:00 aproximadamente, e iranse desenvolvendo ata o mes de decembro.
As persoas interesadas poden inscribirse a través dun mail a vigo@accuesp.com ou enviando un whatsapp ao 646384122.
Este proxecto leva a cabo co patrocinio da farmacéutica Janssen, que por segundo ano consecutivo apoia a ACCU Vigo en proxectos de apoio e información a pacientes.
Desde ACCU Vigo queren destacar que estas doenzas, non se tratan só da parte médica que axuda a controlar os síntomas ou a simple colocación dun estoma. Hai todo un proceso de aceptación, e unha adaptación, onde é necesario a intervención doutros tipos de profesionais, máis aló do equipo médico. E son moitas as dúbidas que chegan a esta entidade de onde se debe acudir para un tema ou outro, ou descoñecemento da existencia deses profesionais, ou o papel que eles poden ter en certos temas tan fundamentais para unha mellora da calidade de vida, ás veces tan mermada, das persoas que padecen estas doenzas.
