14.5 C
Pontevedra
Martes, 19 de Marzo de 2024
Máis
    HomeÉ NoticiaA Escola de Cantería ultima os preparativos do novo curso que chega...

    A Escola de Cantería ultima os preparativos do novo curso que chega con todas a medidas de seguridade

    O prazo para matricularse nos estudos de mestra/e canteira/o do centro adscrito á Deputación de Pontevedra remata o 28 de setembro

    Foto de arquivo

    O vindeiro 1 de outubro a Escola de Cantería da Deputación de Pontevedra abrirá as súas portas ao novo curso 20-21 con clases presenciais pero con todas as medidas de seguridade e prevención fronte á Covid-19. O centro, que reabriu tralo confinamento a comezos de xuño, conta cun estrito protocolo que supón unha intensificación na limpeza e desinfección e o mantemento da distancia de seguridade entre as persoas para garantir o cumprimento de todas as medidas ditadas polas autoridades sanitarias.

    O 28 de setembro rematará o prazo de matrícula para o alumnado interesado en acceder aos estudos de cantería e de mestra/e canteira/o. As persoas interesadas poden realizar a inscrición a través dun formulario dispoñible na páxina web da Escola, escoladecanteria.depo.gal, e desde esta semana terán que formalizar a matrícula para poder comezar o curso a partir do 1 de outubro.

    Para acceder aos estudos de cantería é necesario posuír o título de graduado escolar ou equivalente. Son tres anos de formación teórica, pero sobre todo práctica, e hai 25 prazas dispoñibles para cada curso. Os ámbitos profesionais futuros ao rematar os estudos céntranse sobre todo na construción, na escultura, na restauración e na rehabilitación. Para optar ao título de mestra/e de cantería, con tamén 25 prazas por curso, é necesario ter o título de cantería e recibir outros dous anos de formación. A Escola ten pendente a súa acreditación como Centro de Formación para o Emprego, xa tramitado pola Deputación que está á espera da resposta da Xunta de Galicia. Esta acreditación permitiralle aos alumnos obter o Certificado de Profesionalidade dos estudos.

    Os estudos que realizan as alumnas e alumnos na Escola de Cantería son eminentemente prácticos e supoñen a realización de múltiples obras e traballos durante o tempo de formación. Moitas destas obras, como cruceiros, monólitos, conxuntos escultóricos, bustos, peanas ou construcións arquitectónicas rematan en lugares de toda Galicia, de toda España e tamén do estranxeiro, como en Brasil, México, Arxentina, Panamá ou Portugal.  Ademais, antigos alumnos e alumnas da Escola chegaron a traballar en sitios emblemáticos de todo o mundo, coma na restauración do Capitolio de Washington e do barrio de Chiado de Lisboa, así como actuacións de rehabilitación da Catedral de Santiago, de Westminster en Londres e de construción da Sagrada Familia de Barcelona.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.