16 C
Pontevedra
Domingo, 14 de Xullo de 2024
Máis
    HomeÉ NoticiaA Deputación de Pontevedra entrega os premios Demo Day de "DepoEmprende na...

    A Deputación de Pontevedra entrega os premios Demo Day de “DepoEmprende na FP”

    O Salón de plenos do Pazo provincial da Deputación de Pontevedra acolleu o Demo Day da sétima edición de “DepoEmprende na FP”, na que alumnos e alumnas de 6 centros da provincia –Vigo (2), Pontevedra (2), Gondomar (1) e As Neves (1)– presentaron os 8 proxectos emprendedores elixidos para participar neste certame, no que se repartiron 1.900 euros en premios.

    A iniciativa “Brunch Café o Camiño” do CIFP Carlos Oroza (Pontevedra) alzouse como gañadora na categoría de grao medio, que conta cun único premio de 700 euros. Trátase dunha proposta dun local de almorzos e xantares localizado na cidade de Pontevedra e baseado nunha cociña km 0, para garantir a calidade e a frescura de cada un dos produtos valorando a relación calidade-prezo. Pola súa banda, os premios para os proxectos de grao superior recaeron en “Mia Creativa”, do IES Montecelo (Pontevedra) –o primeiro premio, dotado con 700 euros– e en “Depoenxebre”, do IES A Guía (Vigo) –o segundo premio, con 500 euros–. A primeira delas é unha empresa especializada en deseño inclusivo que se centra no desenvolvemento dunha web accesible, identidade corporativa e deseño gráfico. A segunda trátase dunha iniciativa que ofrece unha ampla variedade de servizos baseados na socialización a través da actividade física, especializados na terceira idade.

    Ademais dos tres proxectos gañadores tamén presentaron os seus proxectos o alumnado de ciclo medio do IES Plurilingüe Terra de Turonio (Gondomar), con “Verdeauga”, e o do IES Pazo da Mercé (As Neves), con “Itavia”. As propostas de grao superior foron “Furabolos”, do IES A Guía (Vigo), “Vending Automation”, do IES Politécnico (Vigo), e “Holics”, do IES Montecelo.  

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.