12 C
Pontevedra
Venres, 29 de Marzo de 2024
Máis
    HomeVal MiñorNigránVive Nigrán recibiu a Rigoberta Bandini co aforo completo

    Vive Nigrán recibiu a Rigoberta Bandini co aforo completo

    Vive Nigrán recibiu onte pola noite a Rigoberta Bandini no campo de Monte Lourido, co aforo completo. Con millóns de escoitas e visualizacións dos seus temas, e tras o seu paso polo Benidorm Fest, posicionouse como unha das artistas españolas con máis presenza a nivel internacional. Rigoberta Bandini fixo vibrar ao público de Nigrán desde o escenario Xacobeo a partir das 23,45 horas con hits tan coreados como ‘Perra’, ‘ Too many drugs’, e ‘Ay mamá’, convertido en todo un himno.

    A programación do sábado 16 arrincou con Niña Polaca que abriron o festival no escenario Xacobeo trasladándonos ao Madrid dos oitenta a través das súas cancións pop con toques indie-rock, a partir das 19,15 horas. La Bien Querida acompañada da súa banda ao completo ofreceu un dos seus concertos máis especiais no escenario Mahou, desde as 20,20 horas nunha xornada onde as mulleres serán protagonistas no cartel. O plan do sábado completouse co Concerto Vibra Mahou da banda de pop feminino Cariño, un sopro de aire fresco e descarado nun concerto incluído no abono do festival, no escenario Mahou a partir das 22,00 horas. E tras Rigoberta Bandini, e para pechar o festival, EME DJ, unha das DJ españolas cunha traxectoria máis recoñecida na escena indie-pop, fixo bailar a todos
    os presentes en Monte Lourido.

    Na noite do venres, Iván Ferreiro ofreceu un concerto moi especial fronte a Praia América, a praia que fixo mundialmente coñecida a través de ‘Turnedo’. E onde compuxo segundo confesou algúns dos seus grandes éxitos. Ferreiro acompañado de toda a súa banda repasou éxitos da súa carreira cos Piratas e en solitario, logrando a conexión total cun público que leva 20 anos rendéndolle fidelidade total. Antes pasaron polo escenario os andaluces Karavana e Colectivo Dá Silva e o galego Grande Amore. As Cool Meniñas puxeron o broche final á noite cunha divertida sesión DJ.

    O festival que volve de novo a unha contorna privilexiada, fronte a Praia América, coa colaboración do Concello de Nigrán, engade nesta edición unha xornada extra, o domingo 17 de xullo con Vive Nigrán [+], unha cita imprescindible para os amantes da música en español, que traerá ata Monte Lourido a Miguel Ríos & The Black Betty Trio co concerto Xacobeo. As últimas entradas para a xornada extra Vive Nigrán [+] do domingo están dispoñibles en vivenigran.com e ataquilla.com.

    Nesta edición tamén volven estar presentes as actividades complementarias con propostas para todos os públicos a través das accións de VIVE SOSTIBLE, VIVE PATRIMONIO, VIVE IGUALDADE E VIVE ACTIVO, realizadas coa colaboración da Deputación de Pontevedra, e o Concello de Nigrán. Este sábado programáronse roteiros en kaiak, pádel surf e un bautismo de surf dentro do programa de VIVE ACTIVO.

    O festival conta co patrocinio da Deputación de Pontevedra, a través da súa marca ‘Rías Baixas Fest’ e da Xunta de Galicia, a través de ‘FEST Galicia’, e en 2022 volve ter unha vez máis o apoio de Gadis, Aqualia e Vibra Mahou, a plataforma musical de Mahou Cinco @Estrella que xera encontros ao redor da música en directo.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.