15.2 C
Pontevedra
Domingo, 9 de Maio de 2021
Máis
    HomeVal MiñorNigránO Concello de Nigrán realiza, antes de Noiteboa, un novo reparto de...

    O Concello de Nigrán realiza, antes de Noiteboa, un novo reparto de alimentos entre 50 familias coa colaboración de Frutas Nieves

    A empresa doou 80 piñas, 80 coliflores e 80 paquetes de uvas para contribuír cos produtos típicos destas datas, mentres que o Concello adquiriu 98 kg de xamón fresco e 50 polos e a concesionaria Cespa aportou cestas de Nadal

    O Concello de Nigrán está a realizar, antes de Noiteboa, un novo reparto de alimentos entre 50 familias do municipio en situación de vulnerabilidade. Nesta ocasión, o Concello adquiriu no comercio local 98 kg xamón fresco e 90 polos que se sumán á doazón da empresa Frutas Nieves de 80 piñas, 80 coliflores e 80 paquetes de uvas. Adicionalmente, entregáronse 50 cestas de Nadal regaladas pola concesionaria de limpeza Cespa-Ferrovial e que conteñen doces típicos de Nadal (turróns, polvoróns, mazapáns…), latas de conserva, alimentos non perecedoiros (pasta, arroz, legumes…) e produtos de limpeza do fogar e de hixiene persoal.

    “Estamos moi agradecidos a Frutas Nieves polo seu xesto solidario e o seu compromiso con Nigrán. Quixeron colaborar coas familias desfavorecidas nestas datas tan especiais e desde o Concello suxerimos estes produtos típicos que non forman parte dos nosos repartos ordinarios”, explica o alcalde, Juan González, quen subliña que o Concello mantén os repartos habituais cada mes e colabora coa comida que desde a Tapería José (Prado) realizan altruístamente cada 25 de decembro para as persoas dependentes dos Servizos Sociais do consistorio.

    Recollida de alimentos

    Paralelamente, o Concello recomplilou entre a asociación de escolas de surf de Patos e os colexios do municipio preto dunha tonelada de alimentos non perecedoiros de todo tipo e que, en boa parte, serán repartidos xa nesta ocasión (concretamente os doces de Nadal). Ante a non programación de grandes eventos deportivos ou certames de corais debido ao protocolo sanitario, o Concello de Nigrán desenvolveu este ano a recollida de alimentos nos centros educativos para que, a súa vez, cumpra unha función educativa e de concienciación entre os pequenos. Así, nesta campaña participaron as escolas de Surf, o CEIP A Cruz, CPI Arquitecto Palacios, CEIP Carlos Casares, CEIP Humberto Juanes, CEIP Mallón e E.I. A Galiña Azul.

    “O Concello de Nigrán ten un Banco de Alimentos Municipal e dispón de fondos para adquirir todos os produtos que fagan falla, estas iniciativas solidarias son de gran axuda pero se encadran máis nunha función de concienciación social moi necesaria”, explica o alcalde, quen engade que a crise económica que aparella o Covid-19 aumentou o número de usuarios dos Servizos Sociais e a previsión, desafortunadamente, é que a cifra siga medrando.

    Banco de Xoguetes Municipal

    Paralelamente, o Concello realizou xa a entrega de xoguetes ás familias con necesidade, téndose superado nesta campaña de recollida as mellores expectativas, ao punto de que o sobrante forma parte xa do primeiro Banco Municipal de Xoguetes operativo durante todo o ano tamén para os aniversarios dos cativos.

    COLABORACIÓNS

    Bea Sanfa, unha visión moi persoal de plans, receitas, viaxes e moito máis

    A día de hoxe podemos dicir que contamos no noso xornal cunha nova colaboración moi interesante e auténtica a cargo da soberina Bea Sanfa. Para nós é unha ledicia poder contar con esta sección que de seguro vos axudará nestes tempos que estamos a vivir.

    Nee Barros Fernández, «Identidade»

    «Identidade» é unha peza teatral que chega a nós como o primeiro traballo de Nee Barros, e nos presenta a un autor ao que haberá que prestar atención na súa andaina polas nosas letras. Poderiamos falar, de primeiras, de que é un texto preñado de sinceridade e rotundidade, pois o título é bastante contundente e, por se houbese algúnha dúbida, leva un subtítulo aínda máis aclaratorio: «A normalidade do non-común». E tal é o alicerce sobre o que se constrúe a súa historia: a revelación da normalidade na construción dunha identidade.

    Movimiento máster, deporte para todas las edades

    Hace unas semanas, la Liga Europea de Natación (LEN) emitía un comunicado en el que anunciaba que el Campeonato de Europa de natación máster quedaba definitivamente cancelado. Previsto inicialmente para la primavera de 2020, se había pospuesto a mayo de 2021 en previsión de que la situación epidemiológica en esta fecha fuese más favorable, pero la realidad ha acabado imponiéndose a los deseos de organización y participantes.

    Colaboradores

    Alberto Aliaga Sola
    4 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    1 POSTS0 COMMENTS
    Manrique Fernández
    38 POSTS0 COMMENTS
    Paz de la Peña
    30 POSTS0 COMMENTS
    Roberto Mera
    1 POSTS0 COMMENTS