10 C
Pontevedra
Venres, 1 de Marzo de 2024
Máis
    HomeVal MiñorNigránO Concello de Nigrán organiza un roteiro de sendeirismo gratuíto polas aldeas...

    O Concello de Nigrán organiza un roteiro de sendeirismo gratuíto polas aldeas de Xisto

    Os interesados teñen de prazo para inscribirse ata este xoves 24 a través da web ou da Oficina de Información. A ruta consta de 6 km a pé entre estas pintorescas aldeas do centro de Portugal

    O Concello de Nigrán organiza este sábado 26 de marzo unha xornada gratuíta de sendeirismo de 6 km polas aldeas do Xisto (centro de Portugal). A dificultade do roteiro é media-baixa e está pensado para poder facerse en familia, pero evidentemente é necesario estar en boas condicións físicas para camiñar tres horas sen dificultade.

    Os interesados en participar teñen de prazo para anotarse ata este xoves 24 de marzo a través dun formulario en www.nigran.es ou na Oficina de Información da Casa Consistorial. O Concello disporá dun autobús que sairá do Concello ás 9:00 horas para chegar de volta aproximadamente ás 22:30 horas, debendo levar cada un a súa propia bolsa co picnic para xantar de campo, asi como auga. Dada a natureza desta excursión, é imprescindible acudir debidamente equipado, con roupa cómoda e zapato axeitado.

    En concreto, os asistentes percorrerán os sendeiros entre as aldeas de Lousa, Casal Novo e Talasnal, todas nesta Serra da Lousa da rexión centro de Portugal. Estas aldeas forman un dos conxuntos turísticos máis singulares do país, coa súa arquitectura a base de pedra de lousa (‘xisto’) e con gran atractivo para os amantes do turismo de natureza.

    LIBROS

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.

    Fran Fernández Davila, «Groenlandia»

    A Fran Fernández Davila gústalle sorprender cos seus traballos literarios, descolocar ao lector para levalo por paisaxes pouco transitadas física e emocionalmente, escapar da rutina diaria e, cunha forte carga de imaxinación, argallar historias nas que a intriga e o humor acaban por se converter en personaxes convidadas da trama.