13.7 C
Pontevedra
Sábado, 18 de Maio de 2024
Máis
    HomeVal MiñorNigránO Concello de Nigrán creará unha nova horta comunitaria

    O Concello de Nigrán creará unha nova horta comunitaria

    O Concello de Nigrán inicia este mércores a súa andaina para contar cun segundo horto urbano comunitario no parque Vázquez Grela (Nigrán) da man da cooperativa local ‘SomosTerra’ (encargada tamén de dirixir os cultivos nos centros escolares de Nigrán promovidos desde o Consistorio). Este sumarase ao creado na Ramallosa o pasado mes de abril baixo a mesma dirección pero, neste caso, será cultivando directamente 104 metros cadrados de chan e non sobre grandes maceteiros. Os interesados en participar poden inscribirse a través dun formulario web en www.nigran.es. O obxectivo é continuar traballando en equipo e de xeito colaborativo con obradoiros as tardes dos mércores, aínda que nun futuro aquí se podería deixar un pequeno espazo para que cada usuario o empregue libremente.

    “A raíz do éxito da situada na Ramallosa moitos veciños nos están demandando más espazos nos núcleos urbanos, por iso esta zona en pleno Nigrán cremos que é a ideal”, explica o alcalde, Juan González. “Queremos promover o autocultivo nunha contorna que actualmente é moito máis urbana que o interior do municipio, fomentar hábitos saudables e potenciar a sensibilidade ambiental. Nos tempos que corren significa tamén un aforro nos petos dos usuarios e unha aposta pola sostibilidade”, engade.

    “Será un punto de encontro no que aprender sobre restauración e recuperación de solos, cultivo ecolóxico, asociacións de cultivos, compostaxe e sostibilidade… Empezaremos de cero, delimitando e preparando entre todos o terreo, o que implica que practicamente durante un ano non haberá unha colleita significativa de nada porque o principalserá dotar a superficie das condicións necesarias para producir, así que aprenderemos esas técnicas”, explican Raquel e Diana desde Somos Terra. Polo tanto, como ben admiten, “o reto aquí é recuperar un solo moi danado e pobre en materia organica para convertelo nunha horta productiva, ecolóxica e sana”.

    Actualmente 40 familias traballan activamente na horta municipal da Praza Carlos Casares (ao carón da Piscina Mancomunada), onde nestes meses xa recolectaron infinidade de cabaciños e pepinos e tamén xudías, cebolas, leitugas, patacas, pementos, berenxenas, amorodos, tomates, sandías brocoli…

    O sistema deseñado para o Concello por Somos Terra implica que, coma na Ramallosa, todos os usuarios realizarán os traballos conxuntamente polo ben común, distribuíndose a posteriori a colleita de xeito equitativo entre todos. Para elo, establécense un calendario de tarefas que os inscritos deben seguir e semanalmente se realizan obradoiros específicos sobre determinados temas hortícolas (compostaxe, rego, especies aormáticas, hortos verticais…) ademais con contar con asesoramente presencial.

    “Na Ramallosa está funcionando marabillosamente, non existe o máis mínimo problema á hora de repartir a colleita ou de traballar e a veciñanza respecta totalmente os froitos”, explica Raquel, de Somos Terra, quen engade que os propios usuarios demandaban poder traballar nun lugar máis amplo e directamente na terra, non en macetas con sustrato. “Significa dar un paso máis e ampliar as posibilidades, é como pasar do laboratorio á realidade. Os nosos usuarios xa levaron esta afección tamén aos seus propios balcóns e terrazas, estes coñecementos extenden o autocultivo exponencialmente”, sintetiza.

    “A zona verde da Praza Carlos Casares, que non se empregaba para nada e pasaba totalmente desapercibida, transformouse nun punto de encontro onde florecen os mellores valores e dos que como goberno nos sentimos máis orgullosos de promover. Agora queremos levar esta filosofía ao parque Vázquez Grela de Nigrán, descoñecido para unha boa parte da veciñanza e con terreo de abondo para compatibilizar usos”, conclúe o alcalde.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.