32.5 C
Pontevedra
Luns, 22 de Xullo de 2024
Máis
    HomeVal MiñorNigránO CEE Juan María e o Concello de Nigrán volven a lanzar...

    O CEE Juan María e o Concello de Nigrán volven a lanzar unha colección de moda

    Concello de Nigrán e CEE Juan María (Parada-Nigrán) volven a unir forzas para promocionar o municipio a través da moda. Nesta ocasión, baixo o paraugas do proxecto ‘JuanMariaSenEtiquetas’ do colexio de educación especial lanzan a colección ‘Paraíso Nigrán’ e ‘Paseando Nigrán’. Camisetas, tote-bags de algodón e gorras compoñen esta primeira ‘fornada’ persoalizada para o municipio que por unha banda ten unha estética surfeira que evoca á praia de Patos (aparecen as siluetas de tres táboas) e, por outra, é máis neutra ao figurar só o lema ‘Paseando Nigrán’. Os artigos xa están á venda na caseta que o Concello lles cede cada ano no mercarillo multicultural de Praia América (luns e mércores de 12:00 a 14:00 e de 17:00 a 20:00 horas), na tenda que dispoñen no Centro Comercial Nasas de Porto do Molle ou tamén no propio colexio. Ademais, o Concello adquiríu un lote para empregar como agasallo institucional.

    “Esta moda inclusiva é un orgullo para o noso municipio porque representa ese ‘Nigrán para todos’ polo que apostamos desde o goberno, non podemos ter mellor producto promocional que este e estamos encantados de empregalo como agasallo institucional e de poder cederlle cada ano este punto de venda no paseo marítimo de Praia América”, destacou o alcalde, Juan González, durante a presentación da colección hoxe no propio lugar.

    O ano pasado, o CEE Juan María a través do proxecto de formación dual ‘JuanMariaBylolola’ realizou o primeiro encargo persoalizado 100% para o Concello co topónimo ‘Nigrán’ como protagonista. O éxito entre veciñanza e turistas foi tal que este ano repítese a experiencia con esta colección diferente. Detrás deste traballo está un grupo de alumnos con diversidade funcional do CEE Juan María, eles deciden e realizan desde o deseño ata a comercialización, incluíndo a venda directa e a atención ao público. “JuanMaríaByLolola e JuanMaríaSenEtiquetas cambioulles a vida a estes rapaces, eles se ocupan de todo, van solos cada día a atender a tenda de Nasas e o posto de Praia América, desde que a abren ata que a pechan están eles ao fronte, gañaron moitísima autonomía e seguridade”, explican desde este Centro no que cada día poñen en práctica o método de “aprender facendo”. “O día a día ensínanos a ver a vida cunha mirada diferente. Descubrimos que isto non vai de inclusión, isto vai de persoas que constrúen o seu futuro co seu esforzo. Isto vai de demostrar que querer é poder, que non hai nada que nos pare se seguimos adiante cada vez que caemos. Isto vai de persoas, de persoas únicas e especiais, como nos gusta a todos sentirnos”, resumen.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.