O Concello de Nigrán ven de investir 7.000 € na total resposición do céspede artificial do patio exterior da Escola Infantil A Galiña Azul, cumprindo así coa demanda realizada pola dirección do centro. O antigo, xa moi deteriorado tras máis dunha década de uso, foi retirado para posteriormente mellorar o chan para que quedase sen desniveis nen roturas e, a continuación, cubríronse os 210 m2.
O resultado é un patio totalmente renovado. “É moi suave e moi agradable ao tacto, polo que resulta especialmente idóneo para as crianzas”, explica o alcalde, Juan González, quen inciden en que durante o verán, como é habitual, o Concello realizará obras nos diferentes colexios públicos do municipio para non interferir coa actividade lectiva.
