O Concello de Nigrán recupera o domingo 3 de abril a partir das 19:00 horas no Auditorio Municipal a súa ‘Gala do Deporte’ despois de que a pandemia a deixase sen celebrar desde 2019. O obxectivo deste evento é recoñecer públicamente o bo traballo de 40 deportistas e clubes de todo o municipio que son referente en diferentes disciplinas. Trátase dun evento aberto ao público e incluirá unha exhibición sorpresa dunha especialidade deportiva moi espectacular.
Como na pasada edición, o nome dos premiados non se desvelará ata o propio momento da Gala, pero o Concello sí desexa dar a coñecer xa as cinco mencións especiais. Así, renderase tributo á Asociación Arxentina de Bolos Celta, disciplina que foi levada alí polos emigrantes miñoranos e que mantén un contacto estreito cos clubes da comarca; a Patos Surf Club, entidade veterana na práctica deste deporte en Nigrán e que cumpre 30 anos; aos afeccionados de fútbol praia en Praia América que desde hai máis de 30 anos se reúnen neste areal os domingos para xogar; ao atleta lucense Adrián Ben que veranea desde neno no Camping Praia América e que se clasificou como finalista mundial e olímpico en 800 metros, e a Joaquín Chamorro de Kin Car, escudería de autocross que o galardonado creou despois de ser nos anos anteriores un dos pilotos máis laureados do panorama nacional nesta disciplina.
“Será unha Gala na que homenaxear aos nosos deportistas e clubes darlles a visibilidade que merecen, xa que moitos deles practican disciplinas moi pouco recoñecidas, ademais de existir unha fenda de xénero cando se trata de mulleres deportistas”, resume o alcalde, Juan González.
Aitor Francesena, Gallo, e Nigrán
O pasado setembro, co gallo do Campionato de España de Surf Adaptado que se celebrou na praia de Patos os días 10 e 11, Aitor Francesena visitou a localidade. A parte de participar no campionato deu unha charla no IES Val Miñor e falou cos seus alumnos.
Tamén deu unha charla no auditorio municipal aberta a todo o público. Nestes dous actos falou de surf, de deporte e sobre todo da súa inspiradora historia de superación persoal.
Gallo esta fin de semana
Venres 1: Mañá: charla e coloquio cos alumnos dos centros educativos CEIP Humberto Juanes e IES Escolas Proval. (nos centros)
Tarde: charla e coloquio cos alumnos das escolas de surf da Praia de Patos. (na praia de Patos) Sábado 2: Curso de formación para surfistas no auditorio municipal. 4 horas de mañá e outras 4 de tarde.
Aitor Francesena – Gallo
Diagnosticáronlle glaucoma aos 14 anos e perdeu o ollo dereito, tras numerosas operacións. Con todo, non deixou de practicar surf, ata convertelo no seu modo de vida.
Sempre foi un pioneiro. Abriu a primeira escola deste deporte a nivel estatal en 1988, en Zarautz. Foi o primeiro adestrador de surf do estado e o seu método de ensino úsase aínda hoxe en case todas as escolas. Adestrou, entre outros, a Aritz Aranburu,
Mario Azurza e Axier Muniain e foi seleccionador estatal.
En 2012 impactoulle unha gran onda e esnaquizoulle o ollo esquerdo, quedando totalmente cego. Con todo, tres meses despois de saír do hospital volveu a surfear.
Empezou con táboas anchas e ondas pequenas para pasar despois a táboas estreitas e ondas máis grandes.
O seu amigo Ibon Illarramendi explícalle as condicións que hai antes de entrar á auga, guíalle, e unha vez que se pon de pé, manobra el só. Ibon acompañoulle cando en decembro de 2016 proclamouse campión do Mundo na Jolla (San Diego, California) e tamén en 2017, cando obtivo a medalla de bronce na devandita competición. En 2018 foi cuarto e na última edición, disputada en 2020 volveu a levar o título de campión.
