19 C
Pontevedra
Luns, 15 de Abril de 2024
Máis
    HomeVal MiñorNigránNigrán homenaxea á escritora Rosalía de Castro cun gran mural

    Nigrán homenaxea á escritora Rosalía de Castro cun gran mural

    O Concello de Nigrán ven de estrear un gran mural sobre Rosalía de Castro na praza que leva o seu nome obra do grafiteiro miñorano Daniel Fernández ‘Dani Seek’. Con esta iniciativa, encadrada na programación do mes das Letras Galegas, o goberno local desexa vincular de verdade á praza co propio nome que homenaxea e, ao mesmo tempo, mellorar a imaxe desta entrada habitualmente vandalizada.

    Deste xeito, o tunel de acceso, de 14 metros de lonxitude e 2,5 de altura, conta desde esta semana cun graffiti moi colorista en ambas paredes no que figura o rostro da escritora galega universal, o seu verso ‘Cantarte hei, Galicia, teus dulces cantares’, e diferentes motivos propios da cultura galega e a o seu medio natural (flores, paxaros, instrumentos como unha gaita e unha pandereta, etc).

    “A partir de agora, a Praza Rosalía de Castro de Nigrán rende de verdade tributo á escritora universal. O resultado é espectacular e os veciños están encantados porque pediran mellorar a imaxe dese túnel”, destaca o alcalde, Juan González, quen ademáis sinala a aposta do consistorio por  creadores da comarca como Dani Seek, veciño de sabarís de 27 anos.

    O mural, que suma 70 metros cadrados de superficie entre ambas paredes, é o maior que ten realizado o baionés ata agora e está pintado exclusivamente mediante técnica de espray. “Foi unha semana de traballo a tope e estou moi satisfeito co resultado obtido, quixen homenaxear a Rosalía e á cultura galega en xeral”, destaca Dani, quen confesa que lle sorprendeu recibir moitos parabéns e ánimos dos veciños mentres traballaba. O artista, cunha década de traxectoria, ven de gañar o primeiro premio do concurso ‘Lugo Social’ que o levará a pintar a fachada dun centro hospitalario desta cidade (no 2020 foi terceiro en Xuventude Crea de Vigo).

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.