15.9 C
Pontevedra
Martes, 22 de Xuño de 2021
Máis
    HomeVal MiñorNigránNigrán avanza cara ao selo 'Cidade Amiga da Infancia' de UNICEF mediante...

    Nigrán avanza cara ao selo ‘Cidade Amiga da Infancia’ de UNICEF mediante unha enquisa xeral

    A enquisa online será distribuida desde esta semana entre todo o alumnado do municipio, mentres que os adultos que desexen colaborar poden acceder a ella a través da web municipal

    O Concello de Nigrán da un paso máis no seu compromiso para conseguir o recoñecemento do selo “CAI” (Ciudad Amiga de la Infancia) que concede o Fondo das Nacións Unidas para a Infancia (Unicef) de forma bienal. Deste xeito, desde esta semana a totalidade do alumnado dos centros educativos do municipio ten a súa disposición (a través do seu profesorado) unha enquisa online con diferentes cuestións de especial interese. Igualmente, todo o adulto que desexe colaborar pode facelo enchendo outra específica para eles a través da web municipal. O obxectivo é completar o diagnóstico da situación da infancia en Nigrán a  través de preguntas como se son suficientes as instalacións deportivas municipáis ou as actividades organizadas para eles.

    “Analizando estes datos e outras cuestións poderemos establecer un diagnóstico da situación da infancia en Nigrán que nos permita definir os nosos retos, prioridades e obxectivos a medio prazo”, explica Marina Vidal, concelleira de Educación e quen previamente a este paso mantivo reunións con todos os centros educativos.

    Paralelamente, o goberno local constituíu xa unha mesa de coordinación interna e está a ultimar a regulación do futuro Consello Municipal da Infancia e da Adolescencia, un órgano de participación que pretende arrancar no mes de xuño e que estará integrado por unha vintena de menores. “O obxectivo deste órgano será contar coa voz da infancia á hora de levar adiante calquera proxecto municipal e, os mesmo tempo, que sexa o seu lugar para aportar suxestións e melloras”, explica a edil, quen ten como obxectivo acadar o selo CAI na próxima convocatoria de 2022, sumándose nese ano Nigrán aos outros 8 municipios de Galicia que xa o teñen (en Pontevedra son Redondela, Porriño e Tomiño).

    “Queremos deseñar e desenvolver políticas locais a favor da infancia de acordo cunha entidade tan respectada como Unicef, ao fin de contas trátase de facer partícipes ás crianzas e adolescentes da vida municipal, queremos darlles voz para que eles tamén teñan dereito a opinar e decidir. Sería un orgullo para Nigrán obter o selo CAI e, aínda que sabemos que é difícil, estamos a poñer todo o noso empeño para logralo”, explica Juan González, alcalde de Nigrán.

    O programa CAI foi creado por Unicef Comité Español en 2001 co propósito de promover a aplicación da Convención dos Dereitos do Neno (CDN) en pobos e cidades da xeografía nacional, forma parte á súa vez da Iniciativa Cidades Amigas da Infancia, liderada por Unicef Internacional desde o ano 2000 e no que colaboran gobernos nacionais, administracións locais, ONG…

    COLABORACIÓNS

    Amandi, un tesoro en la Ribeira Sacra

    Hoy, en la nueva entrada de 'Cuando sube la marea', os comparto mi día de ruta por la Ribeira Sacra. ¡No os la podéis perder! Si en la anterior publicación os contaba que he nacido en Sober (Lugo), hoy os traigo un plan muy completo para conocer la zona y disfrutarla, si cabe, todavía más.

    Ponteareas, ciudad de 15 minutos

    El arquitecto franco-colombiano Carlos Moreno definió el concepto 'ciudad de 15 minutos' antes de la llegada de la pandemia, y Anne Hidalgo, alcaldesa de París, lo encontró tan atractivo que lo adoptó como modelo de desarrollo para su ciudad. Posteriormente otras ciudades importantes como Milán, Otawa, Copenhague o Barcelona han seguido la misma dirección, adaptando el modelo a sus realidades.

    A peregrinación de Giovanni Battista Confalonieri en maio de 1594

    Unha das mais citadas peregrinacións polo Camiño Portugués é a relatada polo crego italiano, Giovanni Battista Confalonieri, que realiza no ano 1594. O seu relato titúlase Memoria di alcune cose notabili accorse nel viaggio fatto da me, Giovanni Battista Confalonieri, Sacerdote romano da Roma in Portogallo e foi publicado...

    Colaboradores

    Alberto Aliaga Sola
    6 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    2 POSTS0 COMMENTS
    Manrique Fernández
    40 POSTS0 COMMENTS
    Paz de la Peña
    31 POSTS0 COMMENTS
    Ricardo Canosa Bastos
    1 POSTS0 COMMENTS
    Roberto Mera
    2 POSTS0 COMMENTS