Tag: eu
EU Ponteareas reclama unha mellora no Servizo de Axuda no Fogar
Esquerda Unida de Ponteareas ven de denunciar a situación na que se atopa o Servizo de Axuda no Fogar ao que, di a formación asemblearia, "o Concello de Ponteareas leva anos precarizando". EU asegura que, actualmente, as traballadoras "non cobran os pluses de perigosidade e penosidade que veñen recollidos no convenio laboral vixente e están obrigadas a usar o seu coche persoal sen que se lle actualice a tarifa de quilometraxe (0,19€/quilómetro), reducindo así o seu poder adquisitivo".
EU Ponteareas congratúlase da modificación da circunvalación
Esquerda Unida de Ponteareas cualificou de "boa nova" o feito de que no anteproxecto para definir a mellor solución para unha conexión entre a estrada N-120 e a autovía A-52, á altura do núcleo de Ponteareas, desbotárase a proposta inicial dunha vía paralela ao río Uma. Deste xeito, a circunvalación contemplada no PXOM pendente de aprobación e que Esquerda Unida rexeitou en todo momento pola súa grave afección ao entorno do rio Uma e por pasar a 50 m da Ponte do Cabalón, xa non será unha opción
EU denuncia os atrasos nas axudas á hostalería e pequeno comercio pola “incapacidade” do Goberno do Porriño
EU Son do Porriño denunciou hoxe que por parte do Concello "fágase de menos" a quen está a pasar "auténticos apuros" en referencia aos atrasos nas axudas á hostalaría e comercio, situación da que a formación asemblearia culpa directamente á alcaldesa porriñesa e á concelleira de Facenda.
EU Ponteareas pide ao Goberno local que “aclare” a súa intención respecto á xestión da auga
Esquerda Unida quere que o Goberno de Ponteareas explique á veciñanza cal é a intención do executivo con respecto ao futuro da xestión do ciclo da auga no concello. Esquerda Unida lembra unha vez máis o compromiso adquirido por todos os partidos que están na corporación "de iniciar o proceso de remunicipalización da xestión da auga proposto por Esquerda Unida e aprobado por unanimidade na anterior lexislatura".
Esquerda Unida de Nigrán insiste na convocatoria do Consello do PXOM tralo informe desfavorable da Axencia Galega de Infraestruturas
Esquerda Unida de Nigrán vén de dar a coñecer que, segundo a documentación á que tivo acceso, o pasado 14 de xullo a Axencia Galega de Infraestruturas (AXI) informou desfavorablemente o PXOM de Nigrán, polo que deberá ser corrixido e sometido á Axencia novamente.
EU Ponteareas lamenta a prórroga do contrato de Viaqua
Esquerda Unida de Ponteareas lamenta que no pasado pleno do 1 de outubro, o goberno de Ponteareas acordara prorrogar o contrato da actual empresa concesionaria do ciclo da auga Viaqua. Segundo o Goberno local, isto faise porque a día de hoxe o Concello aínda non dispón da documentación que foi retirada polo xulgado no marco do caso Patos, o que impide facer os trámites necesarios para resolver o fin do contrato e decidir o "futuro da xestión".
EU Son do Porriño pide a dimisión da alcaldesa pola “pésima xestión dos cartos públicos e das contratacións”
O Grupo Municipal de EU Son do Porriño–Son en Común pediu no Pleno do martes 30 de xuño, a dimisión da actual alcadesa ao considerar a formación asamblearia "que ten que asumir a súa responsabilidade na pésima xestión dos cartos públicos e das contratacións no Concello do Porriño".
PP e EU de Ponteareas apoian a iniciativa de CCOO e UGT dunha retribución complementaria para os traballadores expostos ao COVID-19
O Grupo Municipal do PP e Esquerda Unida de Ponteareas únese á solicitude realizada polos sindicatos CCOO e UGT encamiñada a que se retribúa de forma complementaria aos empregados municipais que están a traballar durante a situación de Estado de Alarma.
EU Ponteareas require ao Concello que cese “toda actividade non imprescindible”
Esquerda Unida de Ponteareas expresou hoxe o seu apoio á demanda realizada polos sindicatos con representación no Concello de Ponteareas ao pedir que "cese a actividade en todos os centros de traballo do Concello que non teñan a consideración de servizos mínimos esenciais".
LIBROS
A pegada de «Ronsel»
A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.
Dores Tembrás, «Enxertos»
A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades
Queridos Reis Magos…
Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.