15.8 C
Pontevedra
Xoves, 20 de Xuño de 2024
Máis
    HomeVal MiñorNigránA firma de moda inclusiva 'JuanMariaByLolola' conta cunha colección marca 'Nigrán'

    A firma de moda inclusiva ‘JuanMariaByLolola’ conta cunha colección marca ‘Nigrán’

    "Trátase dunha colección persoalizada 100% para este Concello e cremos que vai ter moito tirón entre os turistas e tamén entre a propia veciñanza", indica Lola Rande

    O Concello de Nigrán conta desde hoxe coa súa propia marca de moda ‘Nigrán’ grazas a firma ‘JuanMariaByLolola’, o proxecto de formación dual nado no 2019 froito da colaboración entre a deseñadora Lola Rande e o Centro de Educación Especial Juan María (Parada-Nigrán). Camisetas, tote-bags de algodón, gorras, chaveiros e incluso tazas con ilustracións propias compoñen esta primeira colección persoalizada na que a palabra ‘Nigrán’ (colección ‘Logo’) é a protagonista, xunto ao hashtag #Paraiso (colección Paraíso) ou ben a través da estética surfeira tan propia de Patos (colección ‘Furgo’).

    Os artigos destas tres liñas están á venda xa na recén inaugurada caseta do mercarillo multicultural de Praia América (durante todo o verán de 18:00 a 21:00 horas), na caseta da Alameda de A Ramallosa (os dous puntos de venda facilitados desde o Concello) e na tenda do Centro Comercial Plaza E de Vigo ou a través da web www.juanmariabylolola.com/tienda

    “Esta moda inclusiva é un orgullo para o noso municipio porque representa ese ‘Nigrán para todos’ polo que apostamos desde o goberno, non podemos ter mellor producto promocional que este e estamos encantados de poder cederlles dous puntos de venda en Nigrán”, destacou o alcalde, Juan González, durante a presentación da colección esta mañá no espazo municipal de Gaifar.

    Esta é o primeiro encargo personalizado que realiza ‘JuanMariaBylolola’, estando abertos a colaborar en calquera outra proposta que xurda en calquera ámbito, privado ou público. Anteriormente presentaron a súa primeira colección ‘Estrellas para todos’ (2019) e ‘Surfeando Estrellas’ (2020).  “Esta trátase dunha colección persoalizada 100% para este Concello e cremos que vai ter moito tirón entre os turistas e tamén entre a propia veciñanza”, indica Lola Rande, quen lidera o traballo dos dez alumnos-traballadores con diversidade funcional  do CEE Juan María, o equipo decide e realiza desde o deseño ata a comercialización, ata a venda directa e atención ao público. “Isto cambioulles a vida a estes rapaces, eles se ocupan de todo, van solos cada día a Vigo a atender a tenda en Plaza Elípitica e os postos de Nigrán, desde que a abren ata que a pechan están eles ao frente, gañaron moitísima autonomía e seguridade e reciben o seu salario”, explican desde o Centro.

    “O noso proxecto nace en 2019 coa vocación de ofrecer oportunidades laborais reais ás persoas con discapacidade. Co método de “aprender facendo” empezan a traballar desde o primeiro momento mentres se seguen formando.O día a día ensínanos a ver a vida cunha mirada diferente. Descubrimos que isto non vai de inclusión, isto vai de persoas que constrúen o seu futuro co seu esforzo. Isto vai de demostrar que querer é poder, que non hai nada que nos pare se seguimos adiante cada vez que caemos. Isto vai de persoas, de persoas únicas e especiais, como nos gusta a todos sentirnos”, resumen.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.