O alcalde de Gondomar, Paco Ferreira, visitou, xunto á deputada socialista do parlamento de Galicia, Leticia Gallego, varios viais de titularidade autónomica nos que a Xunta leva anos sen facer ningún investimento nen mantemento.
Así o rexedor municipal e membros do goberno local, xunto a Leticia Gallego, desplazáronse á PO-331, na parroquia de Vincios, onde os veciños levan anos reclamado a mellora das beirarruas, que se atopan nun estado de total abandono, así como a mellora da seguridade viaria nun punto de alto tránsito. O alcalde suliñou a necesidade da instalación neste tramo de varios pasos recrecidos así como una rede semafórica que permita a mellora da seguridade peoníl.
O alcalde indicou que “os vías de titularidade autonómica tanto a PO-331 entre Porriño e Gondomar, como a PO-340 entre Gondomar e Tui se atopan nun estado de total abandono por parte da Xunta. En moitos tramos destes viais, as beirarruas atópanse intransitables e en outros tramos son directamente inexistentes”
Pola sua banda Leticia Gallego indicou que levará estas demandas tanto do Concello como dos propios veciños ao parlamento de Galicia a través de diferentes iniciativas parlamentarias que “solicitan á Xunta de Galicia a asumir a sua responsabilidade nuns viais que son únicamente da sua competencia, e atender as demandas do Concello de Gondomar e do seu alcalde”.