11.4 C
Pontevedra
Venres, 30 de Setembro de 2022
Máis
    HomeVal MiñorGondomarGondomar convídanos a viaxar a Guinea Ecuatorial e Cincinnati co seu programa...

    Gondomar convídanos a viaxar a Guinea Ecuatorial e Cincinnati co seu programa de cultura

    O Auditorio Municipal Lois Tobío converterase esta fin de semana de novo no epicentro das actividades culturais previstas polo concello. Cinema e teatro que trasladarán ao público a recunchos tan diferentes como Guinea Ecuatorial e Cincinnati e as historias que os seus personaxes desenvolven nela.

    Arrinca a programación este venres 26 coa proxección da película “Manoliño Nguema”, dirixida por Antonnio Grunfeld, e enmarcada no ciclo de cinema galego que o concello de Gondomar organiza en colaboración coa asociación Cineclub Val Miñor Alice Guy.

    O venres a partir das 21.30 h. proxectarase esta película, premiada no Festival de cinema e televisión do reino de León e no Festival de Cinema Africano, que nos presenta a Marcelo Ndong, artista africano de sesenta anos, formado en España, concretamente en Galicia, e que agora dirixe un pequeno viveiro e unha gardería. Como noutras ocasións, debe montar unha obra de teatro que, esta vez, versará sobre a súa vida descubrindo momentos ben curiosos e esclarecedores.

    O pano do Auditorio Municipal ábrese de novo o sábado 27, a partir das 21.30 horas, para acoller a representación “Un Vals para Cincinnati”, dirixida por Pedro Rodríguez, e protagonizada por Sheila Figueroa e Carlos Denis. A historia de Ana, unha moza que leva máis dun ano esperando a que regrese a súa parella que a deixou pola guerra. Cando perde a esperanza e está a piques de suicidarse, Jack regresa a casa e con eles o desenvolvemento da función.

    Máis info: https://taquilla.concellodegondomar.gal.

    COLABORACIÓNS

    Heterodoxos

    A editorial Galaxia vén de sacar do prelo unha nova colección que, baixo a denominación xenérica de «Heterodoxos», pretende darlle voz a autores ou obras que, polas súas peculiaridades, non teñen cabida dentro das coleccións habituais das editoriais.

    Teatro para nen@s

    Sempre fun dos que defenden a valía do teatro como asignatura en todos os niveis da educación. Polas súas evidentes compoñentes pedagóxicas e pola súa capacidade para aprender a expresarnos en público e a empatizar con outros, tan distintos de nós, merecería un espazo de honra no noso curriculo educativo. Por iso non quero deixar pasar o inicio do novo curso escolar sen facer un par de recomendacións de pezas teatrais dirixidas aos máis pequenos da casa.

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    69 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS