Os próximos días 10 e 11 de decembro o programa “Falamos”, organizado polo goberno local de Gondomar, a través da súa concellería de Xuventude, ofrecerá charlas dirixidas ás familias de adolescentes, cuxo papel é vital no seu desenvolvemento. As charlas, abertas ao público en xeral, buscan facilitar as ferramentas precisas para garantir unha convivencia saudable entre ambos. Os interesados poderán inscribirse en [email protected].
O ciclo “Falamos”, enmarcado dentro do Plan Concellos da Deputación Provincial, completou unha primeira parte con charlas-taller impartidas á mocidade dos institutos de Gondomar traballando sobre conceptos como as diferentes formas de violencia e como abordalas, ou as capacitacións e as opcións do mercado laboral.
Quenda agora para as familias para as que se programaron dúas charlas, que se impartirán no centro neural. A primeira delas, o venres 10 de decembro entre as 20.00 e as 22.00 h, titúlase “Lindes vermellos na adolescencia” e nela abordaranse os límites ata o de agora aceptados, o que está ben, non ou non queda claro, facilitando ferramentas para distinguilos e saber onde deben poñerse.
O sábado 11 de decembro, entre as 11.00 e as 13.00 h, tratarase sobre “A realidade do meu fillo adolescente”, na que se falará abertamente da realidade debuxada polos mozos e mozas nos talleres desenvolvidos nos institutos, “a que eles viven e como a viven”.
O aforo será limitado pola situación sanitaria existen polo que toda as persoas interesadas en participar deberán reservar praza a través do teléfono 986 369 746 ou en [email protected].