O Concello de Gondomar informa de que xa está aberto o prazo de inscrición, durante todo o mes de maio, para o acceso ao 1º curso no Conservatorio Elemental de Música de Gondomar para o vindeiro curso 2021/2022.
No momento de realizar a solicitude de acceso, poderase escoller entre varios instrumentos como clarinete, saxofón, violín, viola, guitarra ou piano, e actividades complementarias como orquestra, coro, concertos, conferencias e moito máis.
Toda a información necesaria poderá consultarse a través dos números de teléfono 986369746 (mañás) ou 986389283 (tardes). Tamén estará dispoñible na páxina web: www.edu.xunta.gal/centros/cmuselementalgondomar/; ou enviando un correo electrónico a: [email protected].