O Concello de Baiona levou a cabo obras de mellora no edificio da Escola Municipal de Música, situado en cálea Alférez Barreiro, 21.
Os traballos coordinados pola Concellería de Cultura en colaboración coa Medio Ambiente, Vías e Obras e Tecnoloxías, execútanse co obxectivo de mellorar a imaxe e as prestacións do inmoble de fronte ao comezo do próximo curso 2023-2024.
As actuacións supoñen unha serie de melloras entre as que se abarca a mellora a conectividade dotando ao ao edificio da wifi de alta velocidade e capacidade. O centro non estaba preparado para a alta densidade de tráfico e concentración de usuarios. O despregamento da rede wifi de alta velocidade e capacidade realizouse polo persoal municipal da concellería de tecnoloxías. O sistema ofrece acceso inalámbrico fiable e de alta calidade nunha contorna de alta densidade e demanda sobre a rede, o que permitirá aumentar exponencialmente o rendemento a rede, ofrecen wifi de alta velocidade a un maior número de usuarios.
Tamén se dotou á escola musical de novos equipos informáticos para as aulas de linguaxe musical e materias colectivas co fin de ampliar e mellorar o uso das TIC (Tecnoloxías da Información e a Comunicación) no centro.
O novo material, que se incorpora ás instalacións con fondos propios do Concello de Baiona, constitúe tres equipos informáticos xeración que serán utilizados nas aulas de linguaxe musical e de clases colectivas do centro coas que se poderán mellorar o uso dos recursos TIC, unha vella demanda realizada desde hai tempo polo profesorado municipal que imparte clases para actualizar e favorecer a aprendizaxe da linguaxe musical e dinamizar as clases. Así este novo curso 2023-2024 a Escola Municipal de Música dará un salto de calidade na impartición da Linguaxe Musical a través dun método no que se combinan o mellor do sistema tradicional coa introdución das novas tecnoloxías, que ten unha gran aceptación entre o alumnado e uns excelentes resultados no campo pedagóxico. Así mesmo, investiuse na compra de tres televisores de sesenta polgadas cun soporte movible para que poidan ser utilizadas nas distintas aulas.
Ademais, procedeuse á retirada dunhas placas de pladur nunha das aulas adaptando o espazo á superficie e forma, o que axudou a optimizar o espazo ampliando a sala.
Tamén se realizou a limpeza e arranxos no xardín da entrada do edificio. Dotouse ao espazo axardinado dunha nova rega automática, procedeuse ao cambio da malla antihierba e renovouse toda a ornamentación e as plantas da zona axardinada.
O alcalde de Baiona, Jesús Vázquez Almuiña, sinala que “se tratan de vellas demandas realizadas desde hai tempo tanto polo profesorado municipal que imparte clases como polo alumnado. Con todas estas melloras a Escola Municipal de Baiona adáptase ás novas tecnoloxías e actualízase para favorecer a aprendizaxe da linguaxe musical e dinamizar as clases, producíndose así un importante salto cualitativo na aprendizaxe do alumnado así como nas instalacións municipais”.
