Este sábado 01 de xullo, ás 22:30 h, a praza do Concello acolle o 7º “Festival Vila de Baiona” organizado pola Asociación Folclórica Vila de Baiona.
Os asistentes poderán gozar do mellor baile e música folclórica tradicional. Entre os grupos participantes atópanse o Grupo de Coros y Danzas Virguen de La Guía (León), a propia A.F. Vila de Baiona, as Pandereteiras de Monte Boi e A Seneira.
Desde a A.F. Vila de Baiona presentan unha cartelería moi especial e inclusiva: ao cartel incorporaron un código QR para discapacitados visuais. Ao activalo, enlaza á canle de YouTube da asociación onde se pode escoitar a información do cartel.
