O alcalde de Baiona, Jesús Vázquez Almuiña acompañado pola concelleira de Deportes, Ana María Iglesias Rodríguez e o presidente da Federación Galega de Baloncesto, Julio Bernárdez recibiron no Concello de Baiona á selección absoluta de Baloncesto de Costa de Marfil, combinado que está a vivir na vila mariñeira a súa prepración de cara o Mundial 2023.
O rexidor baionés, a concelleira e o presidente da federación, amosaron a súa hospitalidade á Selección, comandada polo actual director técnico desa Federación, o inesquecible para todo o baloncesto galego, Anicet Lavodrama.
A selección de Costa de Marfil será, xa no Mundial, o primeiro rival de Baloncesto España. A cita será o 26 de agosto en Yakarta.
