8.7 C
Pontevedra
Martes, 5 de Decembro de 2023
Máis
    HomeO CondadoPonteareasRafael Martínez renuncia como concelleiro en Ponteareas

    Rafael Martínez renuncia como concelleiro en Ponteareas

    A alcaldesa Nava Castro agradece a súa dedicación, aportación e traballo neste intenso período

    Rafael Martínez vén de presentar a súa renuncia como edil delegado da área de Emprendemento do Concello de Ponteareas. Con data de onte, pon fin de maneira voluntaria á súa etapa no goberno de Nava Castro.

    En palabras do xa ex concelleiro: “No día de hoxe presentei a miña renuncia como concelleiro de Emprendemento. Aínda que tiña a ilusión de poder facelo, a miña situación persoal e profesional actual non me permite ter a dedicación necesaria para impulsar debidamente o emprendemento na nosa vila. Foi unha experiencia curta, intensa e de aprendizaxe. Grazas a Nava e a todo o equipo polo trato e o respecto. Grazas tamén a todos os veciños e veciñas pola confianza e o cariño recibido.”

    A alcaldesa de Ponteareas dedicoulle unhas cariñosas palabras de despedida: “grazas pola túa dedicación, aportación e traballo. Deséxoche os maiores éxitos tanto na túa vida profesional como persoal”.

    Nava Castro anunciou que o posto que deixa baleiro Rafa Martínez será ocupado polo seguinte edil da lista, Cristian Montes, Técnico Superior en Actividades Físicas e Deportivas.

    LIBROS

    Amador Castro Moure, «Pronto hei de volver»

    A emigración, como non podía ser doutra maneira, é un deses temas aos que a literatura galega volve unha e outra vez. Dende distintas perspectivas e con diferentes enfoques e intencións, forma parte troncal do noso sistema literario dende o momento en que comezou a tomar forma.

    Xosé M. Eyré, «Ou as dúas estaredes mortas»

    Moito temos falado neste mesmo espazo dos cada vez máis difusos lindes entre xéneros literarios; de como novela e relato –tamén a poesía ou o teatro– semellan lidar pola posesión de espazos que tradicionalmente lles eran alleos e que pretenden converter en propios, alimentando así unha fusión que, no fondo, non deixa de ser a procura de novas vías de expresión aínda non transitadas.

    Raquel Castro, «Sobremesas sobre versos»

    Dende fai xa varios anos, Raquel Castro é unha das habituais na literatura infantil galega, pero a maioría dos seus traballos publicados enfocábanse cara ao mundo do teatro para nenos, onde deixou pezas de excelente facturación.