A alcaldesa de Ponteareas e o actual grupo de goberno mostran a súa sorpresa a ante iniciativa presentada pola oposición respecto á convocatoria urxente da Comisión de Seguimento da Estratexia de Desenvolvemento Urbano Sostible Integrado, coñecida popularmente como EDUSI.
A sorpresa ven dada pola estrañeza da petición dada a situación administrativa na que se atopa a convocatoria da Comisión da EDUSI xa que na acta do Pleno celebrado o 7 de xuño de 2019, se adoptou por unanimidade a creación desta Comisión que no seu segundo acordo indica, textualmente, que “a mesa extinguirase automaticamente unha vez finalice o mandato da actual Corporación”, isto é, logo das eleccións nas que BNG e PSOE perderon a alcaldía.
De feito, durante o mandato da anterior corporación, entre 2019 e 2023 a Comisión reuniuse 3 veces, a última o 22 de febreiro de 2019 e, dende xaneiro deste 2023 a este pasado mes de maio, o propio Partido Popular requiriu en múltiples ocasións á por entón alcaldesa do BNG unha comparecencia no Pleno Municipal que nunca chegou a producirse. Resulta polo tanto curioso a présa que a actual oposición, así como o descoñecemento da situación administrativa da Comisión.
O actual grupo de Goberno quere recalcar que está a actuar conforme á normativa e non pode facelo doutro xeito, polo tanto, o vindeiro día 20 proporase a creación da Comisión de Seguimento da EDUSI, tal e como marca a lei, con 2 representantes do PP, 2 do BNG, 1 do PSOE, 1 de ACIP, e 1 do Grupo Mixto. Logo da proposta, poderá levarse ao Pleno Municipal a creación da Comisión Informativa que deberá ser votada e da que se agarda o voto positivo unánime de todos os grupos municipais.
