O pasado domingo, 17 de setembro, celebrouse na praia fluvial da Freixa, en Ponteareas, a etapa final do Circuito Gallego Arzúa-Ulloa de Augas Abertas 2023.
Sobre unha distancia de 2500 metros, Mateo García (do CN Arteixo), que participa a final de mes coa selección española no europeo de augas abertas en Grecia, impúxose con contundencia. Detrás chegou un grupo co segundo e terceiro clasificado, Lucas Costa (2º) do CN Ponteareas e Marcos do Río (3º) do CN Arteixo e as tres primeiras clasificadas, Inés Mourenza que tamén participará no europeo (1ª) do CN Portamiñá Lugo, Alba Ortiz de Guinea (2ª) (do CN Ponteareas) e Ana Pérez (3ª) (do CN Galaico).
A clasificación final do circuíto finaliza con Lucas Costa e Alba Ortiz de Guinea, ambos os do club do condado, revalidando o título conseguido o ano pasado, seguidos por Mario Méndez (Rías Baixas) e Marcos do Río (Arteixo), e Ana Pérez (Galaico) e Paula Rodríguez (Arteixo) respectivamente.
Por equipos, o CN Ponteareas foi o gañador do XIX Circuito Gallego Arzúa-Ulloa de Augas Abertas nas categorías elite e máster.