21.6 C
Pontevedra
Domingo, 25 de Setembro de 2022
Máis
    HomeO CondadoPonteareasO «Calendario Galego de Ponteareas» descobre recunchos máxicos da súa paisaxe

    O «Calendario Galego de Ponteareas» descobre recunchos máxicos da súa paisaxe

    A concellería de Cultura anima a veciñas e veciños a participar no acto de presentación este sábado ás 18 horas no salón de plenos da Casa do Concello

    A concellería de Cultura, que dirixe Fernando Groba, vén de animar á veciñanza á participación no acto de presentación do ‘Calendario Galego de Ponteareas’ este sábado día 21 ás 18 horas no salón de plenos da Casa do Concello, un calendario froito da escolma fotográfica realizada polo xurado do concurso de fotografía convocado para o deseño deste calendario que nos acompañará ao longo do ano 2020.

    Trece fotógrafas/os agasallan nas páxinas do calendario un total de 17 fotografías a todos e a todas nós para nos lembrar que Ponteareas agocha recunchos máxicos e fermosos ocultos debaixo da nosa misteriosa néboa ou nas frondosas beiras dos nosos ríos.

    O Calendario Galego de Ponteareas para o 2020 non só nos descobre a beleza da nosa paisaxe e a importancia do noso patrimonio, ademais quere render homenaxe ás e aos músicos da nosa vila que a través das distintas agrupacións, coros e grupos levan o noso nome por todo o mundo e en cada evento no que participan dentro do noso concello e fóra.

    A partir do sábado o calendario estará a disposición da cidadanía na casa do concello, na biblioteca municipal sita na Perillana e nas casas e centros culturais parroquias.

    Fernando Groba explica que o Calendario Galego de Ponteareas recordará durante todo o ano a importancia da nosa bagaxe cultural.

    COLABORACIÓNS

    Heterodoxos

    A editorial Galaxia vén de sacar do prelo unha nova colección que, baixo a denominación xenérica de «Heterodoxos», pretende darlle voz a autores ou obras que, polas súas peculiaridades, non teñen cabida dentro das coleccións habituais das editoriais.

    Teatro para nen@s

    Sempre fun dos que defenden a valía do teatro como asignatura en todos os niveis da educación. Polas súas evidentes compoñentes pedagóxicas e pola súa capacidade para aprender a expresarnos en público e a empatizar con outros, tan distintos de nós, merecería un espazo de honra no noso curriculo educativo. Por iso non quero deixar pasar o inicio do novo curso escolar sen facer un par de recomendacións de pezas teatrais dirixidas aos máis pequenos da casa.

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    69 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS