A ludoteca municipal de Ponteareas, “Ludotea” é un espazo lúdico-educativo, ubicado na rúa Castelao, nº 23, desta localidade, e comezou a súa andaina en febreiro de 1998. Desde entón, son moitos os nenos e nenas que teñen acudido para gozar das súas múltiples actividades.
As súas portas están novamente abertas para todos os cativos/as de 6 a 12 anos que queiran acudir, sempre en grupos pequenos e cumprindo con todos os protocolos de actuación necesarios fronte á Covid-19.
Para inscribirse, poden acudir directamente á propia ludoteca, achegar un email a ludoteca@ponteareas.es, ou ben chamar por teléfono ou mediante whatsApp ao número: 673 79 47 60.
A ludoteca, dependente da Concellería de Benestar Social que dirixe Verónica Carrera, adianta que a súa actividades comezou xa na derradeira semana de setembro e que o prazo de inscrición permanecerá aberto todo o ano.
