19.3 C
Pontevedra
Venres, 17 de Setembro de 2021
Máis
    HomeO CondadoMondarizMondariz proxecta "La hora bruja" para inaugurar o novo equipamento audiovisual do...

    Mondariz proxecta “La hora bruja” para inaugurar o novo equipamento audiovisual do Auditorio

    Con este investimento, o Auditorio do Centro Social de Mondariz convértese nun espazo multiúsos que permite programar ciclos de cinema con maior regularidade

    O Concello de Mondariz inaugura este venres, 30 de abril, o novo equipamento audiovisual que instalou no Auditorio do Centro Social cun filme que, malia non ser unha produción galega, está moi vencellado ao lugar porque se rodou alí: “La hora bruja” (Jaime de Armiñán, 1985).

    “Queriamos que este filme fose o primeiro desta nova etapa do Auditorio como espazo multiúsos habilitado para proxeccións cinematográficas porque moitos veciños e veciñas participaron como extras durante a rodaxe e foi unha experiencia que quedou na memoria do pobo”, comenta o alcalde de Mondariz, Xosé Emilio Barros.

    “La hora bruja” está protagoniza por actores e actrices de renome como Francisco Rabal, Concha Velasco, Victoria Abril e Sancho Gracia. Mondariz é unha das localizacións do filme, que conta a historia dunha parella (Francisco Rabal e Concha Velasco) que vai de feira en feira proxectando películas e ofrecendo espectáculos de maxia, atopa unha moza sen rumbo (Victoria Abril) e a acolle na súa caravana, dando pé a un drama costumbrista sobre as relacións persoais. Tanto Francisco Rabal como Concha Velasco recibiron premios pola súa interpretación no Festival de Valladolid, e o filme foi candidato a representar a España nos Premios Óscar de 1986.

    O equipamento audiovisual instalado no Auditorio do Centro Social consiste nunha pantalla automatizada de grandes proporcións (6×5 metros) e nun proxector de alta calidade valorados conxuntamente en 9.680€. Trátase dun investimento financiado polo Plan Concellos 2020 da Diputación de Pontevedra que busca convertir o Auditorio nun espazo multiúsos que permita programar proxeccións cinematográficas con maior regularidade, especialmente nos meses de outono e inverno, cando as condicións meteorolóxicas dificultan programar actividades culturais ao aire libre. A instalación dunha pantalla automática que se pode recoller, ademais, non compromete a realización doutros eventos e espectáculos.

    A partir do 1 de maio, ciclo de cinema galego

    Unha vez inauguradas, as novas instalacións do Auditorio do Centro Social de Mondariz acollerán durante o mes de maio un ciclo de cinema galego contemporáneo titulado “O noso cine”. Entre as catro películas programadas figuran longametraxes de ficción para adultos como “Ons” (1 de maio, ás 20:00 horas) e “A praia dos afogados” (22 de maio, ás 20:00 horas) e longametraxes de animación para nenos e nenas, como “A galiña Turuleca (9 de maio, ás 18:00 horas) e “Maimiño e o espello máxico” (30 de maio, ás 18:00 horas).

    Este ciclo de cinema galego está incluído na intensa programación cultural do Concello de Mondariz para o “mes da lingua”, onte tamén atopamos varios eventos literarios como a presentación do libro “A música e Mondariz” (8 de maio, 20:30 horas, no Auditorio do Centro Social); unha homenaxe á poeta Xela Arias con motivo das Letras Galegas 2021 (15 de maio, 20:00 horas, nos Xardíns do Concello); un espectáculo de teatro, música e humor titulado “Tirando pola lingua (17 de maio, 20:00 horas, no Auditorio do Centro Social); e a presentación do libro “Non te amola!”, de Xela Arias (29 de maio, 20:00 horas, na Biblioteca Pública Municipal). Todos os eventos serán gratuítos, con entrada libre até completar aforo.

    COLABORACIÓNS

    ¡Indultos!

    Hace unas semanas fue la época de los indultos. Por un lado, se indultaron a los "díscolos catalanes" que quisieron "separarse de la madre patria" para ocultar las vergüenzas de tantos años de corrupción ya que, si no no se entiende. Ni historia ni, sobre todo los datos económicos, lo sostienen por ningún lado.

    Xesús Constenla, «O peso do cerebro»

    Xesús Constenla xa nos ten acostumados a unha narrativa arriscada e alonxada de tópicos, o que non deixa de ser un aliciente para calquera lector. Agora, con «O peso do cerebro», mantense firme nesta liña de traballo para adentrarse no confuso mundo de don Honorio, un vello afectado de demencia senil que un día, aproveitando un despiste da súa neta, Paula, sae da casa e vaga sen rumbo pola cidade de Barco (doadamente identificable co Ferrol natal do autor), un espazo que, coma o protagonista, coñeceu mellores tempos.

    Illote Areoso, paraíso natural

    Último domingo del mes de agosto y aquí estoy de nuevo para compartir con vosotros un pedacito de mis aventuras. Hoy os dejo un planazo sin salir de la provincia de Pontevedra: una visita al Illote Areoso.

    Peregrinos xacobeos na cidade de Tui (XIII). O nobre polaco, Xacobe Sobieski de Janina en 1611

    Nos capítulos que vimos recollendo nesta sección sobre peregrinos xacobeos que deixan referencía á cidade de Tui nos seus relatos ou diarios nos que recollen a súa experiencia, abordamos hoxe a figura doutro peregrino chegado dende terras ben afastadas. Trátase dun nobre polaco, Xacobe (Jakub) Sobieski de Janina, foi...

    Colaboradores

    Alberto Aliaga Sola
    11 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    4 POSTS0 COMMENTS
    Manrique Fernández
    44 POSTS0 COMMENTS
    Paz de la Peña
    34 POSTS0 COMMENTS
    Ricardo Canosa Bastos
    1 POSTS0 COMMENTS
    Roberto Mera
    2 POSTS0 COMMENTS