26.5 C
Pontevedra
Venres, 19 de Xullo de 2024
Máis
    HomeO CondadoMondarizMondariz da a coñecer unha ampla programación cultural para este outono

    Mondariz da a coñecer unha ampla programación cultural para este outono

    O Concello de Mondariz vén de dar a coñecer a súa progración cultural de outono, unha serie de actividades nas que abunda o cinema e o teatro e repítense actividades que tiveron unha grande aceptación en edicións pasadas como as xornadas de micoloxía –que cada vez contan con máis persoas afeccionadas ao mundo dos cogomelos– e as clases de defensa persoal para mulleres.

    A programación que arrancaba o pasado día 19 de setembro coa proba de orientación nocturna, ten a súa continuidade este vindeiro sábado, 26 de setembro, co concerto que Broken Peach ofrecerán ha Praza de España ás 22:30 horas, actividade que, en caso de choiva, será trasladada á Praza de Abastos.

    O día 3 de outubro ás 19:30, será a quenda da música coral co ciclo Outono en Son na Praza de España. A primeira das citas co teatro terá lugar o sábado seguinte, 10 de outubro ás 21 horas no Auditorio Municipal co espectáculo Chola a It girl. Nesa mesma fin de semana, o domingo 11 de outubro, os máis pequenos terán o seu espazo nesta programación cultural co contacontos Os contos do avó: lendas e historias de Galicia, actividade que se desenvolverá na Biblioteca Municipal ‘Xoán Xosé Pérez Labaca’.

    O sábado 17 de outubro o cine será o protagonista coa proxección ás 10:30 horas, no Auditorio Municipal, da película O que arde, actividade que contará coa presenza do seu director, Oliver Laxe; a actriz Benedicta Sánchez e o actor Amador Arias con quen o público poderá manter unha charla coloquio.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.