7.7 C
Pontevedra
Xoves, 1 de Decembro de 2022
Máis
    HomeO CondadoMondarizMondariz completa melloras viarias en Vilar e Lougares

    Mondariz completa melloras viarias en Vilar e Lougares

    O Goberno municipal xa ten decidido un plan bianual de investimentos en camiños e estradas que ascende a 300.000 € e chega a case todas as parroquias

    O Concello de Mondariz completou este mes de outubro as obras incluídas no Plan Marco 2021-2022 para a mellora de camiños municipais de acceso a parcelas agrícolas, que ascenden a 64.911,55 €. Estas actuacións consistiron na mellora da pavimentación de tres camiños: dous localizados na parroquia de Vilar e nos límites coa parroquia de Riofrío (lugares da Igrexa-Pé do Muíño e Casares), e un na parroquia de Lougares (lugar do Porrón).

    Con estas obras, o Goberno de Mondariz leva investidos este ano uns 140.000 € en melloras viarias. Durante os primeiros meses do ano, no marco do Plan Concellos da Deputación de Pontevedra, realizáronse obras de mellora da pavimentación e asfaltado en varios camiños das parroquias de Riofrío (Coto Ribeiro e Arnela), Lougares (A Chouteira), Queimadelos (Outeiro da Cruz e Costa da Carrapita) e Mondariz (rúa Ramón y Cajal) que incluíron actuacións adicionais sobre as canalizacións e a rede de saneamento nalgúns treitos. 

    Histórico investimento bianual de 300.000 € en melloras viarias

    Para o Goberno de Mondariz, a mellora dos servizos municipais máis básicos é unha prioridade que se demostra da distribución dos fondos do Plan Concellos e no aproveitamento das oportunidades de financiamento público para emprender proxectos de aforro e eficiencia enerxética, entre outros, que contribúan a modernizar as infraestruturas municipais.

    Seguindo esta liña estratéxica, para os anos 2022 e 2023 xa está planificado un investimento histórico en melloras viarias de 300.000 € que vai beneficiar a 19 lugares de nove das doce parroquias do Concello de Mondariz. “Somos conscientes das enormes necesidades que existen en camiños e estradas municipais. Para decidir onde actuar primeiro valoramos aspectos como o nivel de deterioro do pavimento e o máis ou menos transitadas que son as vías públicas”, explica Xosé Emilio Barros, alcalde de Mondariz.

    Melloras viarias en Vilar

    Nestes dous anos están previstas obras de reparación de estradas e pavimentación de pistas de terra en Mondariz (Camiño da Feira-A Pedreira, Casares-O Sesteiro e dous treitos nas Paredes), Frades (dúas pistas en Aboal e varios treitos en Quintáns), Gargamala (unha pista en Boente e varios treitos en Mourelle), Toutón (Lordelo e lugar da Igrexa), Sabaxáns (Coto, Porta Nova e lugar da Igrexa), Riofrío (Cavada Nova), Lougares (pista en Santa Baia), Mouriscados (lugar de Fontebalán) e Meirol (A Vermella e A Goleta).

    Nos anos 2019, 2020 e 2021, o Concello de Mondariz acumulou máis de 400.000 € de investimento en melloras de pavimentación e asfaltado, fundamentalmente, e este último desembolso municipal previsto, sumado ás actuacións xa realizadas este ano, suporá case un millón de euros de diñeiro público destinado a melloras viarias.

    “Agardamos convocar unha nova edición de encontros entre o Goberno municipal e a veciñanza das parroquias estes últimos meses de ano para así escoitar as necesidades e demandas de mellora nos diferentes lugares. As obras en camiños e estradas sempre están entre as preocupacións dos veciños e das veciñas, somos conscientes das necesidades e temos en conta as demandas veciñais nas nosas decisións”, remata Barros.

    COLABORACIÓNS

    Alba Guzmán Falcón, «Xoaniña de Deus»

    Alba Guzmán era, ata o de agora, unha autora practicamente descoñecida para o gran público, a pesar de contar no seu haber cunha morea de premios en certames de poesía e tamén de narrativa.

    Henrique Dacosta, «O estraño caso da bicicleta amarela»

    Henrique Dacosta vén de entregar ao prelo unha nova proposta narrativa. E digo “narrativa” e non digo ben, pois este volume, «O estraño caso da bicicleta amarela», leva o clarificador subtítulo de «Oito contos e unha traxicomedia» e tal é o contido da obra: oito relatos breves de extensión variable e unha pequena peza teatral, a primeira da que teñamos constancia e da que falaremos máis adiante.

    Xavier Queipo, «Algoritmos»

    «Algoritmos» é un libro sorprendente, algo que, vindo de Xavier Queipo, xa deixou de ser unha novidade. Non estamos a falar dunha novela, nin sequera dunha colección de contos, senón de algo diferente.

    Visión a corto plazo

    Estos días, hablando con varios amigos sobre la situación global del mundo, pues caímos en la conclusión de algo que salta a la vista, pero que nos olvidamos continuamente, la falta de visión a largo plazo de nuestros políticos.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    73 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    5 POSTS0 COMMENTS
    Avatar
    1 POSTS0 COMMENTS