O Balneario de Mondariz acolle a primeira cea temática a partir dun xogo de rol en vivo ambientada na historia da vila termal. Unha idea de Manu Sánchez e Realidade Alternativa que desenvolveron previamente “A Poxa”, unha actividade nos xardíns do Gran Hotel ambientada nos anos 20 e nas festas da alta sociedade no establecemento. A época dourada de Mondariz, cando o balneario erixiuse en centro social e cultural de primeira orde internacional. Personalidades internacionais como o arcebispo de Westminster ou o sultán Muley Haffid, nobres como a infanta Isabel de Borbón, políticos como Cánovas del Castillo, científicos como Isaac Peral ou artistas da talla de Emilia Pardo Bazán deron vida a un dos lugares máis emblemáticos nos albores do século XX. Un proxecto que se inclúe na celebración dos 150 anos do Balneario de Mondariz.
A partir desa posta en escena, #ante o éxito de oito convocatorias que converteron este novo lecer nunha actividade de moda este verán, chega agora “A Gran Poxa” que se celebrará o 21 de outubro. Un evento que por primeira ver (vez) contará cunha cea no Salón Infanta Isabel cun menú especial para a ocasión e tamén unha opción vegana. O prezo da actividade é de 69,95 € por persoa e inclúe vestiario, cea, música en directo e o xogo, en total unhas dúas horas e media de duración.
“A Gran Poxa” convida igualmente a revisitar os anos 20, meterse na pel dun personaxe (artista, empresario, nobre, ladrón de luva branca… ) e vivir unha historia xunto a decenas doutros participantes. Desde a organización proporcionan vestiario de época, así como un transfondo e obxectivos dentro da trama do xogo.
Dita trama de intriga e misterio que se desenvolve nos salóns do Balneario de Mondariz que convidará a todos a unha viaxe ao pasado.
A reserva das prazas xa está aberta e pode realizarse na páxina web de Realidad Alternativa: https://realidadalternativa.com/la-gran-subasta.
