22.5 C
Pontevedra
Luns, 15 de Abril de 2024
Máis
    HomeLouriñaSalceda de CaselasSalceda de Caselas xa conta un Regulamento de Participación Veciñal

    Salceda de Caselas xa conta un Regulamento de Participación Veciñal

    O Boletín Oficial da Provincia (BOP) publicou a aprobación definitiva do regulamento de participación veciñal do Concello de Salceda de Caselas, que entrou polo tanto en vigor, e que será o primeiro regulamento de participación cidadá do Concello de Salceda.

    No documento regúlase o rexistro de asociacións municipal e a participación veciñal nas decisións do Concello, e ten como eixo fundamental a creación do Consello veciñal, que canalizará a participación cidadá, e que celebrará sesións abertas ao público. Para a creación do Consello, as asociacións que o desexen poden presentar xa a súa solicitude de participación no mesmo.

    O mencionado regulamento é un dos compromisos do acordo entre os dous partidos do equipo de goberno.  Ámbolos dous grupos defenden a participación cidadá como un dos puntos fundamentais da política local, considerando indispensable que os elementos dinamizadores da vida social teñan unha participación activa na vida política do Concello e actúen como complemento enriquecedor da democracia representativa.

    Verónica Tourón, concelleira de participación cidadá:  “impulsamos así un concello aberto e democrático, fomentando a participación da veciñanza, acandando deste xeito unha convivencia plena de dereitos e unha preocupación pola problemática social e cultural do noso pobo, mellorando as condicións de vida de Salceda”. “Como responsable da área alégrome moito deste feito e lamento que o PP non apoiase este regulamento porque a participación da veciñanza debería ser o eixo da acción política de calquera color”.

    Loli Castiñeira, Alcaldesa de Salceda: “O dinamismo social da nosa vila débese ver reflexado na participación na vida pública, e este regulamento ofrécenos unha nova canle directa para que o tecido asociativo, en representación da nosa veciñanza, participe nas decisións públicas que afectan a Salceda. En pouco máis dun ano levamos mantido reunións con 53 asociacións do municipio, e agora damos un pasiño máis na súa total integración no día a día do municipio”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.