10.8 C
Pontevedra
Martes, 19 de Marzo de 2024
Máis
    HomeLouriñaMosPatricia Martínez acada un novo Ouro no Campionato de España Profesional Standard...

    Patricia Martínez acada un novo Ouro no Campionato de España Profesional Standard 2019

    A bailarina mosense, unha das atletas con mellor carreira deportiva do territorio español, erixiuse o pasado 8 de decembro Campioa de España

    O Salón de Sesións do Concello acolleu esta semana a recepción á bailarina mosense Patricia Martínez logo de proclamarse Campioa de España Profesional Standard 2019. Na recepción, Patricia estivo acompañada pola alcaldesa de Mos, Nidia Arévalo; as concelleiras de Deportes e Cultura, Begoña Toucedo e Sara Cebreiro, respectivamente, e demais membros do equipo de Goberno local e membros da Corporación Municipal.

    Con este, Patricia suma xa 15 títulos de Campioa de España de Baile Deportivo: 14 en categoría Amateur e este último, o primeiro en categoría Profesional acadado no campionato desenvolvido en Guadalaxara durante o Shanish Open.

    O día anterior, o sábado 7 de decembro, Martínez e a súa parella de baile disputaron en Ferrara, Italia, unha competición internacional onde conseguiron o 5° posto na final. Grazas a ese 5º posto sumaron os puntos suficientes para clasificarse dentro das 20 mellores parellas do mundo segundo o ranking mundial.

    Actualmente en España a Categoría Profesional está formada por 3 parellas da Modalidade Standard e 5 parellas da Modalidade Latinos. Sobre a súa participación no Campionato nacional a bailarina mosense declarou que “a pesar de que bailar o Campionato de España non estaba nos nosos plans, xa que só levamos 4 meses bailando, pero como a Federación insistiu moito na nosa participación, finalmente decidimos participar, e pola miña banda foi moi gratificante volver bailar no meu país e máis aínda volver traer o ouro para Mos”.

    Patricia Martínez é unha das atletas con mellor carreira deportiva do territorio español.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.