7.1 C
Pontevedra
Luns, 30 de Xaneiro de 2023
Máis
    HomeBaixo MiñoTuiA Policía Local de Tui contará con cinco novos axentes en marzo

    A Policía Local de Tui contará con cinco novos axentes en marzo

    A Policía Local de Tui contará con cinco novos axentes a partir do mes de marzo, co que o número de efectivos pasará a ser de once axentes e un inspector xefe. Nas últimas semanas o servizo viuse afectado debido á baixa laboral de tres dos seis axentes con que conta actualmente o corpo, así coma a baixa do inspector xefe que continúa nestes momentos.

    Os cinco novos axentes obtiveron a praza na Oferta de Emprego Público de 2021 e tras a súa formación durante un ano na Academia Galega de Seguridade, incorporaranse ao seu posto de traballo en Tui nas próximas semanas.

    O alcalde de Tui, Enrique Cabaleiro, explica que dende o goberno local estase a traballar dende 2021 para mellorar as condicións deste corpo “non só co número de policías locais en activo, senón incluso as súas retribucións”. Así sinala a convocatoria na Oferta de Emprego Público das prazas que quedaron vacantes por xubilacións ou traslados, algo que non se levaba a cabo dende hai 20 anos, segundo o rexedor. Un dos motivos que en moitas ocasión motivaba a solicitude de traslado cara outros concellos por parte de axentes da Policía Local era a menor retribución que percibían en Tui. Esta cuestión explicaba Enrique Cabaleiro, mellorouse coa aprobación o ano pasado da nova Relación de Postos de Traballo que supón un incremento anual do complemento específico para os axentes de 4.039,98 € e do complemento de destino en 344,40 €. Mentres no caso do inspector xefe o complemento específico increméntase en 3.393,92 €, unha cifra que subirá en 1.159,34 €  en cumprimento da sentencia xudicial que recoñece o paso dun nivel 22 ao nivel 24 do inspector xefe.

    A carencia de efectivos para facer fronte ao servizo supliuse durante o ano pasado coa realización de horas extras por parte dos axentes, o que conlevou para o concello o pago de preto de 50 mil euros por este concepto.  Afirmaba Enrique Cabaleiro que “non se nos pode reprochar, primeiro esforzo para tratar de cubrir as prazas vacantes e en segundo lugar esforzo para mellorar as condicións retributivas da policía local de Tui”.

    A situación do servizo da Policía Local, tal e coma se sinalaba, estabilizarase coa incorporación dos cinco novos axentes que están rematando a súa formación na Academia Galega de Seguridade. Avanzaba tamén Enrique Cabaleiro que a intención do goberno local é seguir convocando na Oferta de Emprego Público as prazas que están vacantes, pero lembraba que estes son “procesos complexos e longos”. 

    COLABORACIÓNS

    María Solar, «A culpa»

    A metade de camiño entre a novela negra e o thriller, María Solar vén de presentar un novo traballo para adultos no que pescuda nas interioridades da parte máis escura da alma humana a través dun trío de mulleres, protagonistas do relato.

    Antón Riveiro Coello, «Días de intemperie»

    A nova achega de Antón Riveiro Coello, «Días de imtemperie», é unha proposta que contén nove relatos de temática e transfondo diferentes, mais que teñen un elemento en común, como é a guerra no sentido máis amplo da palabra.

    Árbol de Navidad relleno de chocolate

    Aunque estas fechas tienen sus dulces típicos, no a todo el mundo le gustan los turrones, polvorones y demás. Lo que casi con seguridad gusta a todo el mundo (y sobre todo a los peques) es el chocolate y este postre une la Navidad y el chocolate de una forma muy muy sencilla.

    Isabel Blanco, «Bambú»

    Xa comentamos nalgunha ocasión neste mesmo espazo que os límites entre xéneros literarios estanse a difuminar de maneira progresiva e que os autores e autoras contemporános pescudan sen apuro nese terreo bretemoso que son as lindes entre narrativa, teatro e poesía.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    77 POSTS0 COMMENTS
    Paz de la Peña
    41 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    5 POSTS0 COMMENTS
    Avatar
    1 POSTS0 COMMENTS