7.1 C
Pontevedra
Luns, 30 de Xaneiro de 2023
Máis
    HomeBaixo MiñoOiaA Xunta remata a creación de accesos e a mellora de lavadoiros...

    A Xunta remata a creación de accesos e a mellora de lavadoiros en Oia

    O acondicionamento destes lavadoiros consistíu na súa limpeza, adecuación, preparación de accesos peonís, pavimentado, recondución das canalizacións e cubrición das zonas de augas

    A Xunta de Galicia, a través da Axencia Turismo de Galicia, vén de rematar a creación de accesos peonís e a mellora integral dos lavadoiros de Torroña e Bonaval, no Concello de Oia, cun investimento de 36.000 euros financiado, ao 85%, cunha achega da orde de infraestruturas turísticas para municipios de ata 10.000 habitantes.

    O delegado territorial da Xunta en Pontevedra, Luis López, acompañado pola alcaldesa de Oia, Cristina Correa, supervisou esta dobre actuación na parroquia de San Pedro de Burgueira que permitíu o embelecemento e recuperación de dous lavadoiros de indubidable valor turístico pola elevada cifra de visitantes que recibe o concello e os milleiros de peregrinos que percorren o Camiño Portugués pola Costa.

    O acondicionamento destes lavadoiros consistíu na limpeza da área de intervención, a súa adecuación, a creación de sendas peonís, o pavimentado da contorna, a recondución das augas e a cubrición do propio lavadoiro.

    “Estas actuacións son unha mostra máis da aposta transversal da Xunta de Galicia polo turismo, xa que actuamos en cuestións estratéxicas e de calado e tamén naquelas máis sinxelas, pero que contribúen ao embelecemento e que son moi valoradas polos visitantes. No caso de Oia, un concello cun enorme tirón turístico que está a facer un gran traballo neste sector e que aposta pola calidade, a colaboración do Goberno galego é constante e imos seguir nesta liña”, manifestou Luis López.

    Ademais, o delegado territorial explicou que a Axencia Turismo de Galicia vai destinar novamente este ano un millón de euros a estas accións de embelecemento e recuperación de espazos con esta orde para concellos de ata 10.000 habitantes, que se enmarca no Plan Camiña.

    Esta liña, que concederá un máximo de 30.000 euros por solicitude, oriéntase á posta en valor da riqueza histórica, cultural, patrimonial e paisaxística destes municipios con accións de embelecemento, accesos, iluminación ornamental, recuperación e creación de miradoiros, sendeiros e rutas, espazos de estacionamento de vehículos e incluso a mellora de Bens de Interese Cultural (BIC).

    COLABORACIÓNS

    María Solar, «A culpa»

    A metade de camiño entre a novela negra e o thriller, María Solar vén de presentar un novo traballo para adultos no que pescuda nas interioridades da parte máis escura da alma humana a través dun trío de mulleres, protagonistas do relato.

    Antón Riveiro Coello, «Días de intemperie»

    A nova achega de Antón Riveiro Coello, «Días de imtemperie», é unha proposta que contén nove relatos de temática e transfondo diferentes, mais que teñen un elemento en común, como é a guerra no sentido máis amplo da palabra.

    Árbol de Navidad relleno de chocolate

    Aunque estas fechas tienen sus dulces típicos, no a todo el mundo le gustan los turrones, polvorones y demás. Lo que casi con seguridad gusta a todo el mundo (y sobre todo a los peques) es el chocolate y este postre une la Navidad y el chocolate de una forma muy muy sencilla.

    Isabel Blanco, «Bambú»

    Xa comentamos nalgunha ocasión neste mesmo espazo que os límites entre xéneros literarios estanse a difuminar de maneira progresiva e que os autores e autoras contemporános pescudan sen apuro nese terreo bretemoso que son as lindes entre narrativa, teatro e poesía.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    77 POSTS0 COMMENTS
    Paz de la Peña
    41 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    5 POSTS0 COMMENTS
    Avatar
    1 POSTS0 COMMENTS