4.3 C
Pontevedra
Domingo, 4 de Decembro de 2022
Máis
    HomeBaixo MiñoO RosalO Rosal realizará unha importante reforma no pavillón municipal para facelo máis...

    O Rosal realizará unha importante reforma no pavillón municipal para facelo máis accesible

    O Rosal realizará unha importante reforma no pavillón municipal para facelo máis accesible

    O Concello continúa traballando para converter O Rosal nun municipio máis inclusivo e accesible en todos os eidos. O Goberno local aprobará este xoves 3 (20.30 h) en pleno unha modificación de crédito para continuar coas obras de renovación do pavillón municipal. Tras a mellora dos vestiarios locais e o cambio de chan para que usuarios e usuarias puideran practicar deporte de xeito seguro, O Rosal acometerá agora unha importante reforma do pavillón que incluirá a instalación dun ascensor que mellore as condicións de accesibilidade. “A través do proxecto Cocreando Sociedade no Rosal ratificamos o noso compromiso pola inclusión e a mobilidade e por facer accesibles progresivamente todas aquelas dependencias municipais que hoxe en día aínda non o son”, explica a alcaldesa, Ánxela Fernández Callís.

    Estas obras permitirán mellorar as condicións de accesibilidade entre a planta baixa do pavillón, onde están situados os accesos e os servizos, e a planta alta, onde se atopan as gradas e a cantina. A reforma interior tamén inclúe a mellora dos vestiarios visitantes, os baños públicos e a zona de árbitros e permitirá “reorganizar os diferentes espazos existentes, modernizándoos e adaptándoo ás novas necesidades”.

    “Queremos unhas instalacións aptas para persoas usuarias con diferentes tipos de mobilidade con percorridos completamente accesibles que nos permitan mellorar non só o acceso ao público, senón tamén pensar en dar un paso máis alá e abrir a porta a acoller actividades de deporte adaptado”, salienta a rexedora. A reforma plantexa tamén unha rampla e unha plataforma horizontal que garanta o acceso ao interior do pavillón.

    Este proxecto de mellora levaranse a cabo a través dun convenio de colaboración ente o Concello e a Secretaría Xeral para o Deporte da Xunta de Galicia, que financiará o 60% da reforma. Na actualidade o pavillón conta cunha alta actividade deportiva e é sede do club de balonmán Acanor Novás Valinox, ao que o Concello quere agradecer a súa colaboración e disposición para seguir mellorando as instalacións municipais.

    COLABORACIÓNS

    Alba Guzmán Falcón, «Xoaniña de Deus»

    Alba Guzmán era, ata o de agora, unha autora practicamente descoñecida para o gran público, a pesar de contar no seu haber cunha morea de premios en certames de poesía e tamén de narrativa.

    Henrique Dacosta, «O estraño caso da bicicleta amarela»

    Henrique Dacosta vén de entregar ao prelo unha nova proposta narrativa. E digo “narrativa” e non digo ben, pois este volume, «O estraño caso da bicicleta amarela», leva o clarificador subtítulo de «Oito contos e unha traxicomedia» e tal é o contido da obra: oito relatos breves de extensión variable e unha pequena peza teatral, a primeira da que teñamos constancia e da que falaremos máis adiante.

    Xavier Queipo, «Algoritmos»

    «Algoritmos» é un libro sorprendente, algo que, vindo de Xavier Queipo, xa deixou de ser unha novidade. Non estamos a falar dunha novela, nin sequera dunha colección de contos, senón de algo diferente.

    Visión a corto plazo

    Estos días, hablando con varios amigos sobre la situación global del mundo, pues caímos en la conclusión de algo que salta a la vista, pero que nos olvidamos continuamente, la falta de visión a largo plazo de nuestros políticos.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    73 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    5 POSTS0 COMMENTS
    Avatar
    1 POSTS0 COMMENTS