11.6 C
Pontevedra
Martes, 19 de Marzo de 2024
Máis
    HomeBaixo MiñoO RosalO Rosal desfrutará do teatro familiar coa obra ‘O secuestro da bibliotecaria’

    O Rosal desfrutará do teatro familiar coa obra ‘O secuestro da bibliotecaria’

    Sarabela Teatro trae a historia de Ernestina ao auditorio municipal este domingo 5 de setembro ás 19:00 horas

    O Rosal estrea setembro cunha nova cita cultural. Este domingo 5 Sarabela Teatro chega ao auditorio municipal ás 19:00 horas coa súa obra de teatro familiar O secuestro da bibliotecaria, unha peza dirixida e adaptada por Fina Calleja a partir da obra orixinal da escritora neozelandesa Margaret Mahy e que contará cun elenco conformado por Fernando Dacosta, Sabela Gago, Nate Borrajo, Josito Porto e Alfonso Míguez.

    A obra conta a historia da señorita Ernestina, a fermosa bibliotecaria da vila de Parangón á que os bandidos deciden secuestrar a pesares de ser orfa e non ter familiares ricos. O obxectivo é xerar un caos cultural que obrigue ás autoridades a pagar polo rescate da bibliotecaria. Non obstante, as intencións da banda tomarán un novo rumbo ao descubrir que a Ernestina contaxiounos co virus da varicela, que deixou a todos os bandidos cunha morea de graniños na cara que lles resta toda a credibilidade nas negociacións. E, por se fora pouco, un tremor de terra complícao todo aínda máis.

    Para garantir a saúde de todas e todos, a obra de teatro contará cun aforo limitado e con todas as medidas de prevención establecidas polas autoridades sanitarias. A actividade será de balde, con entrada libre ata completar aforo.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.