14.7 C
Pontevedra
Domingo, 5 de Febreiro de 2023
Máis
    HomeBaixo MiñoO RosalArranca ‘Claqueta Violeta’, un proxecto para loitar contra a desigualdade de xénero...

    Arranca ‘Claqueta Violeta’, un proxecto para loitar contra a desigualdade de xénero e previr a violencia contra as mulleres

    Alumnado de 3º da ESO do CPI Manuel Suárez Marquier xa traballa nas primeiras actividades do programa

    O Rosal é un concello comprometido coa igualdade que leva anos traballando en colaboración cos centros educativos para acabar coas desigualdades de xénero e tratar de educar a nenos e nenas para que rachen con roles e estereotipos. Con este obxectivo o Concello acaba de poñer en marcha ‘Claqueta Violeta’, un proxecto que se leva ás aulas esta temática para facer unha chamada á acción á mocidade; axudalos a reflexionar sobre a igualdade a mozos e mozas e á súa contorna familiar; amosarlles que existen outros tipos de masculinidade alternativos aos tradicionais máis positivos, respectuosos, igualitarios e libres; apelar á necesidade de que o home se implique como acto na loita feminista e promocionar o uso responsable das novas tecnoloxías.

    Para acadalo, alumnado de 3º da ESO do CPI Manuel Suárez Marquier xa traballa por grupos nas primeira actividade do proxecto, un obradoiro de creación de curtametraxes no que ademais de proporcionar ás e aos participantes coñecementos sobre a creación e edición audiovisual, traballarase na promoción da igualdade e na prevención da violencia de xénero. “O obxectivo é estimular a participación do alumnado e a súa implicación, non só como espectadores e espectadoras, senón como actores e actrices no eido da igualdade. Buscamos axudar a desenvolver persoas adultas que defendan a equidade, a liberdade, a autonomía, a solidariedade e, sobre todo, a xustiza”, salienta Sara Vicente, concelleira das áreas de Xuventude, Igualdade e Muller.

    Buscando a participación do equipo docente para acadar o éxito das actividades, as 10 sesións de traballo terán lugar en horas lectivas coa colaboración dos profesores e profesoras das materias de Tecnoloxía, Educación Plástica, Visual e Audiovisual. O alumnado traballará empregando os seus propios dispositivos móbiles e apoiándose en programas informáticos de edición e montaxe audiovisual cos equipos informáticos da aula de Novas Tecnoloxías do centro.

    O proxecto complementarase cunha conferencia sobre “Novas masculinidades: o papel do home na loita contra a violencia de xénero’, na que participarán representantes de AHIGE Euskadi, unha asociación destacada polo seu traballo a prol da construción de novas masculinidades que forma parte da rede da Asociación de Hombres por la Igualdad, presente en numerosas comunidades autónomas. Por último, co fin de achegar o traballo realizado á poboación xeral, iranse publicando nas redes sociais do Concello todas as curtas creadas polo alumnado. O proxecto conta cunha subvención ao abeiro do Programa de sensibilización, información e difusión sobre igualdade e prevención da violencia contra as mulleres, co que se busca promover actividades dirixidas á poboación infantil e xuvenil para favorecer a coeducación e a promoción da igualdade de oportunidades que fomenten a desaparición de roles e estereotipos de xénero, a violencia sexual ou o uso axeitado e crítico de internet e das novas tecnoloxías, especialmente na protección da privacidade e sobre os ciberdelitos tanto no ámbito educativo en colaboración cos centros como coas ANPAS e coas familias. A actividade está cofinanciada polo Fondo Social Europeo (FSE) con cargo ao programa operativo FSE Galicia 2014-2020.

    COLABORACIÓNS

    Antía Otero, «Barroco»

    É posible que todo viñese suxerido polo título do novo poemario de Antía Otero, «Barroco», pero ao mergullarme nas súas páxinas vivín a sensación de pasear por unha galería de arte na que cada un dos poemas era, en realidade, un cadro ou unha peza escultórica que a autora describía con detalle.

    Ponteareas e a filla pródiga: o novo espectáculo do Circo da Dereita

    Aínda que o pareza, non é un déjà vu, non. É real como a vida mesma. A dereita en Ponteareas regresa ao seu pasado, non sabemos se por convicción nostálxica ou, como parece máis evidente, por non atopar nada mellor que ofrecer. Se cadra, en realidade non hai tal regreso a un pasado que esa dereita nunca abandonou, por máis que durante os últimos anos algúns quixeran convencer a Ponteareas, pleno tras pleno e eleccións tras eleccións, de que aquel negro pasado nada tiña que ver con eles nin cun Partido Popular que, reescribindo a nosa historia política, tería nacido en 1998 coa chegada a Ponteareas dun Salvador chamado para redimir, como novo candidato popular, os imperdonabeis pecados orixinais da dereita ponteareán encarnada até ese momento por un alcalde orgulloso do seu pasado franquista.

    María Solar, «A culpa»

    A metade de camiño entre a novela negra e o thriller, María Solar vén de presentar un novo traballo para adultos no que pescuda nas interioridades da parte máis escura da alma humana a través dun trío de mulleres, protagonistas do relato.

    Antón Riveiro Coello, «Días de intemperie»

    A nova achega de Antón Riveiro Coello, «Días de imtemperie», é unha proposta que contén nove relatos de temática e transfondo diferentes, mais que teñen un elemento en común, como é a guerra no sentido máis amplo da palabra.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    78 POSTS0 COMMENTS
    Paz de la Peña
    41 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    6 POSTS0 COMMENTS
    Avatar
    1 POSTS0 COMMENTS