11.6 C
Pontevedra
Martes, 19 de Marzo de 2024
Máis
    HomeBaixo MiñoA GuardaContacontos de Anxo Avelino o luns na Biblioteca da Guarda

    Contacontos de Anxo Avelino o luns na Biblioteca da Guarda

    O Concello guardés continua desenvolvendo a súa probramación con motivo do Día da Biblioteca

    A Biblioteca Pública Municipal da Guarda continúa coas actividades para conmemorar o día da Biblioteca 2019, que se celebra cada ano o 24 de outubro. O obxectivo destas actividades é a animación á lectura durante o mes de outubro.

    A segunda actividade terá lugar o vindeiro luns día 21 de outubro ás 18:00 h cun contacontos moi especial a cargo de Anxo Avelino (Carballo con botas).

    Chegan á biblioteca os teixos, freixos, bidueiros, aciñeiras, buxos…, para contar as súas historias, para aprender a abrazar as árbores, a coidar bosques, fragas, soutos, para plantar unha árbore que conte contos en defensa do futuro.

    Espectáculo dirixido a público infantil: bebés, nenas e nenos de 0 a 6 anos.

    A programación continuará o xoves 24 de outubro con ‘Bibliotecas para mudar o cambio climático’. Efervesciencia. Ás 18:00 h; e o sábado 26 cun ‘Obradoiro de creación de teatros de papel’ a cargo de Juste Kamishibai, ás 11:30 h.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.