O Concello de Arbo pretende seguir coa mellora da súa rede municipal de estradas, reparando as estradas e pistas asfaltadas, e pavimentando completamente as pistas que se atopan en terra, na medida das súas posibilidades. Unha das súas prioridades é a de mellorar a seguridade viaria en todas as súas estradas, executando ensanches e mellorar o trazado nos tramos mais perigosos e os que non poden acceder os servizos básicos como son unha ambulancia ou un camión de bombeiros.
Dada a amplia superficie do concello, e ao gran número de estradas existentes, a tarefa de mantelas todas en perfecto estado é complicado, sendo necesarios proxectos de pavimentación que rexeneren completamente a rodadura en ditas estradas e que melloren a seguridade viaria coa optimización do trazado.
No tocante á obra de mellora do acceso ao barrio da igrexa en Cequeliños, executáronse traballos previos de escavacións, desbroce do terreo, demolición dos pavimentos existentes. Realizouse a recollida das augas pluviais no camiño de baixada á igrexa, coa execución de tubeiras de PVC, empedrado do acceso á igrexa tal e como foi autorizado por Patrimonio e mellora no mobiliario e na iluminación.
Para levar a cabo esta actuación, contouse cunha achega da Deputación de Pontevedra, con cargo ao Plan Provincial de obras e servizos (Plan Concellos) 2021, dentro da Liña 1 – Investimentos.