O Concello de Arbo, ten concedida unha subvención do Plan Concellos da Deputación para a realización da obra ‘Mellora e ampliación Camiño de Esmoriz, Arbo (Pontevedra), co financiamento do 100% do investimento que se orzamenta no importe de 123.544,75 €.
Dada a ampla superficie do concello e o gran número de estradas existentes, “a tarefa de mantelas todas en perfecto estado é complicado, sendo necesaria proxectos de pavimentación que rexeneren completamente a rodadura en ditas estradas e que melloren a seguridade viaria coa optimización do trazado”, sinala o Concello de Arbo.
O alcalde Horacio Gil, chama a atención sobre a importancia que a mellora de infraestruturas ten á hora “non só de permitir acceso a distintas localidades do municipio, senón taméncontribuír a evitar a despoboación e fomentar a actividade económica”.
Con este novo investimento na mellora de camiños rurais, o Concello da resposta ás peticións de agricultores e veciños e veciñas da zona. Horacio Gil engade que as obras acométense “por mor do mal estado do camiño de Esmoriz e tamén se pretende a mellora das infraestruturas vinculadas ao servizo de abastecemento e saneamento municipal, co fin de dar un mellor servizo aos seus habitantes, e así prevese a implantación da rede de saneamento que non existe en dito camiño”.
