7.6 C
Pontevedra
Venres, 29 de Marzo de 2024
Máis
    HomeA ParadantaA CañizaCris Vilariño leva á Cañiza «Mulleres en Acción. Violencia Zero» da Deputación

    Cris Vilariño leva á Cañiza «Mulleres en Acción. Violencia Zero» da Deputación

    A artista comparte dúas xornadas co alumnado do centro para crear unha mostra colaborativa cuxo resultado amosarán mañá martes 28 de xaneiro

    A deputada de Igualdade, Isaura Abelairas, asistirá este martes na Cañiza á quinta acción desta edición do programa da Deputación de Pontevedra ‘Mulleres en Acción. Violencia Zero’. A cita terá lugar ás 10:45 horas no CPI cunha acción de danza da artista Cris Vilariño, denominada ‘Intermissum’, que será participativa coa intervención do alumnado do centro.

    ‘Intermissum’ desenvólvese hoxe luns cun taller con preto de 50 alumnas e alumnos no que realizarán xogos corporais a partir dalgunhas premisas que se dan por feito nas relacións entre persoas. Mañá martes realizarase a mostra colaborativa co aprendido no obradoiro e nela desenvolveranse pezas de escenas nas que o corpo será o protagonista.

    Cris Vilariño é diplomada en Danza Contemporánea e licenciada en Xornalismo, ademais de ter un posgrao en Fotoxornalismo. No eido da danza formouse con diferentes mestras e mestres e participou en varias producións como intérprete e creadora. Actualmente colabora coa compañía Licenciada Sotelo. O curso pasado dirixiu a Aula de Danza da Universidade de Ourense e no 2019 o proxecto MASA (Mover as aulas) do Teatro Rosalía de Castro.

    ‘Mulleres en Acción. Violencia Zero’ ten por obxectivo darlle visibilidade á loita contra as violencias machistas, así como dar a coñecer o labor de novas artistas que están a traballar a prol da igualdade. Este ano volve reunir a 25 artistas especializadas en diferentes modalidades como son a pintura, a música, a danza, o teatro, a poesía, o graffiti ou a performance, vinculadas todas elas pola vontade de ofrecer na súa obra un firme discurso en favor da igualdade de xénero. Esta quinta edición celébrase en 25 concellos da provincia (Pontevedra, Vigo, Lalín, Ponteareas, A Cañiza, Forcarei, Crecente, Mos, Redondela, Cangas, Cerdedo-Cotobade, Tui, Mondariz, Pontecesures, Gondomar, O Grove, Marín, Vilagarcía de Arousa, Cambados, Sanxenxo, O Porriño, O Rosal, A Guarda, Meis e Moaña).

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.