24.5 C
Pontevedra
Venres, 19 de Xullo de 2024
Máis
    HomeColaboraciónsSalud, deporte y sociedadBrillante papel do CN Ponteareas nos campionatos de España de Torremolinos

    Brillante papel do CN Ponteareas nos campionatos de España de Torremolinos

    Torremolinos, en Málaga, foi a sede do XXII campionato de España “Open” Absoluto–XXXVIII Campionato de España júnior, que se disputou en piscina de 50 metros do 9 ao 13 de abril. O evento congregaba aos principais nadadores e nadadoras nacionais e foi retransmitido en directo pola canle Teledeporte.

    O CNPonteareas participaba cun equipo de 4 nadadoras, Iria Lemos, Sofía Carballo, Inés Borge e Naiara Eijo, e o nadador Pablo Cabana.

    No aspecto individual, os deportistas do Club do condado acadaron varias finais Júnior, que se saldaron con moitas mellores marcas persoais en diversas probas. Ademais o equipo de relevos feminino –que participou no 4×100 estilos– acadou a 4° posición Júnior (con récord do club incluido).

    Temos que subliñar o papel de Sofía Carballo, que se proclamou subcampioa de España Júnior en 100 braza, parando o crono na mellor marca galega da súa idade, 16 anos. O mesmo facía na xornada anterior, onde marcaba tamén a mellor marca galega nos 50 Braza.

    O resumo da participación do equipo foi moi positivo, cos nadadores e nadadoras desprazados a Andalucía amosando un nivel de forma que fai pensar nunha prometedora segunda parte da tempada.