Comarcas

O Concello de Arbo, para frear a expansión da vespa asiática, emprendeu unha campaña de loita e erradicación deste insecto pondo a disposición dos veciños e veciñas un total de cincoenta trampas e 100 botes de cebo. O Concello que preside Horacio Gil considera frear a expansión da vespa asiática "unha tarefa prioritaria", xa que este insecto invasor incrementou a súa presenza en Galicia desde o ano 2014 .

O importe total das subvencións nominativas concedidas polo Concello da Guarda a entidades de carácter social, cultural ou deportivo acada un total de 116.400 €. Así 17.100€ van destinados a entidades de carácter social; 29.300 € para as relacionadas coa Cultura e 70.000 € para as entidades deportivas.

A Casa da Navegación de Baiona conta nas súas instalacións cunha nova peza de alto valor histórico grazas á entrega, por parte de dúas cuidadanos baioneses, dunha áncora lítica. Trátase dunha áncora de granito que foi recuperada dos fondos mariños do municipio, –na zona da Carral en Cabo Silleiro– o pasado mes de novembro polos mariscadores José M. Durán Vicente e Iván González Rodríguez. A peza foi descuberta polo mergullador Iván González mentres faneaban ao ourizo.

O alcalde da Cañiza, Luis Piña, visitou e repasou cun dos técnicos da empresa adxudicataria as obras de modernización do alumeado público que se están a desenvolver en Valeixe. Os traballos comezaron no pasado mes de abril e permitirán a substitución de 298 luminarias –44 en Taín, 46 en Barreiros, 17 en Chans, 27 en Abelán, 37 na Cruz, 17 en Paradela, 18 en Lameira, 38 en Cabo de Vila-Raxeira, 24 na Laranxeira, 15 na Chan e 6 en Carracedo–. Todas as luminarias son do modelo Laia de Isosi de 30 watios capaz de proxectar unha luz branca a 130 luminos/watio, de clase 2 en ador 4000K.

O Alcalde de Baiona, Carlos Gómez Prado, vén de expresar, unha vez máis, a súa postura contraria respecto a instalación dun parque eólico na Serra da Groba. O rexedor baionés quere deixar clara a súa oposición "a unha instalación que afectará ao monte de Baíña" xa que, lembra "un dos proxectos de execución está ideado no lugar coñecido como O alto da mata desta parroquia baionesa.

Con motivo das celebracións en torno ao Día do Libro e do Libro Infantil as Bibliotecas Municipais de Redondela distinguiron, como en edicións anteriores, aos lectores, menores e maiores de 14 anos, que maior uso realizaron do servizo de préstamo no pasado ano, atendendo aos datos que rexistraron as súas estatísticas.

O Centro Municipal de Remo do Concello de Tui vén de renovarse interiormente cunha achega de 58.000 euros da Deputación. As obras consistiron na climatización e renovación de aire, incluíndo a medición dos niveis de CO2 e a substitución completa do pavimento. Supoñen a terceira mellora destas instalacións dende o ano 2015, sempre con financiamento do Plan Concellos, e unha achega total que supera os 150.000 euros.

O vindeiro sábado día 15 continúa a programación do mes de maio ás 20:00h no Centro Cultural coa representación teatral de “32M2 – Unha xira confinada”. Esta obra de teatro, creada pola plataforma ButacaZero, trata sobre o absurdo do confinamento.

O Consello da Infancia de Tomiño, Voces Novas, participou este xoves nunha reunión telemática promovida por UNICEF xunto con representantes de organismos homónimos de concellos galegos como Teo, Cabanas, Moeche, Redondela, O Porriño, Moaña e Castrelo de Miño. Alejandro Pereira e Alejandra Villa, representantes tomiñeses de 11 e 12 anos respectivamente, trasladaron xunto con outros 14 nenos e nenas as súas inquedanzas e propostas ao director xeral de Familia, Infancia e Dinamización Demográfica, Jacobo Rey Sastre.

O cociñeiro de Larpeiros, Benigno Campos, será o invitado de honra no showcooking que o domingo se desenvolverá na carpa situada diante da Casa do Concello de Redondela e dentro das actividades das Xornadas Gastronómicas Choco de Redondela.

Con motivo do Día das Letras Galegas, que este ano está dedicado á creadora, editora, tradutora e mestra Xela Arias, o Concello de Salvaterra de Miño conta con dúas actividades, unha presencial –Unha tarde con Xela– e outra en liña –Caderno de Xela Arias para facer o meu conto–, dirixidas aos nenos e nenas do municipio.

O Concello de Nigrán iniciou esta semana, coa colaboración da Comunidade de Montes, unha nova fase de escavación e musealización do Castro de Chandebrito destinada a conservar, consolidar e restaurar a muralla superior do primeiro recinto (datada no VIII a.C) e cuxa intervención se estima nun mes.