10.2 C
Pontevedra
Venres, 29 de Marzo de 2024
Máis
    HomeComarcasRedondelaAs Bibliotecas Municipais de Redondela premian ás e aos Mellores Lectores do...

    As Bibliotecas Municipais de Redondela premian ás e aos Mellores Lectores do Ano

    Con motivo das celebracións en torno ao  Día  do Libro e do Libro Infantil  as Bibliotecas Municipais de Redondela distinguiron, como en edicións anteriores, aos lectores, menores e maiores de 14 anos, que maior uso realizaron do servizo de préstamo no pasado ano, atendendo aos datos que rexistraron as súas estatísticas.

    Os lectores e lectoras galardoados son: María Cristina Alfaya  e Iria, de 8 anos, na Biblioteca P. M. Valle-Inclán de Redondela e Manuel Dionisio Rodríguez e Uxío, de 9 anos, na Biblioteca P. M. Xela Arias de Chapela (Redondela).

    Os galardóns fanos merecedores dun premio para a adquisición de libros nunha librería do municipio e do nomeamento como Socios de Honra polo que  poderán  retirar en préstamo un maior número de obras.

    Esta iniciativa ten por obxectivo fomentar a lectura e premiar a fidelidade dos usuarios.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.